'പ്രണയ ദിനത്തില് മധുരം'; ഒരു കിലോ പഞ്ചസാരയ്ക്ക് 14 രൂപയുമായി സപ്ലൈകോ
തിരുവനന്തപുരം: വാലന്റൈന്സ് ഡേ പ്രമാണിച്ച് സ്പെഷ്യൽ ഓഫറുമായി സപ്ലൈകോ. പ്രണയ ദിനമായ ദിവസമായ ഫെബ്രുവരി 14ന് സപ്ലൈകോയില് നിന്നും 14 രൂപയ്ക്ക് പഞ്ചസാര വാങ്ങാം.
ഫെബ്രുവരി പതിനാലിന് ആയിരം രൂപയ്ക്ക് മുകളില് സബ്സിഡിയിതര ഉത്പന്നങ്ങള് വാങ്ങുന്നവര്ക്ക് ഒരു കിലോ പഞ്ചസാര 14 രൂപയ്ക്ക് ലഭിക്കും.നിലവില് 43.50 രൂപയാണ് ഒരു കിലോ പഞ്ചസാരയുടെ വിപണിവില.
500 രൂപയ്ക്ക് മുകളിലാണ് നിങ്ങള് വാങ്ങിക്കുന്ന സബ്സിഡി ഇതര സാധനങ്ങളുടെ വിലയെങ്കില് 14 രൂപയ്ക്ക് അരകിലോ പഞ്ചസാരയാണ് ലഭിക്കുക. ഈ ഓഫര് ഒരു ദിവസം കൊണ്ട് അവസാനിക്കുന്നതല്ല,
ഫെബ്രുവരി 28 വരെ വന്വിലക്കുറവില് പഞ്ചസരാ വീട്ടിലേക്ക് കൊണ്ടുപോകാവുന്നതാണ്.അതേസമയം സപ്ലൈകോയുടെ ശബരി സബ്സിഡി വെളിച്ചെണ്ണ ലിറ്ററിന് 289 രൂപയാക്കി കുറച്ചു.
ഇതിന് പുറമെ സപ്ലൈകോ വഴി വില്പന നടക്കുന്ന ശബരി നോണ് സബ്സിഡി വെളിച്ചെണ്ണയുടെ വില 329ല് നിന്ന് 309ലേക്കും കുറച്ചിട്ടുണ്ട്.
Leave A Comment