ഡോക്ടർമാരെ നിയമിച്ചിട്ടുമതി ഉദ്ഘാടനം; CPM-CONGRESS പ്രവർത്തകർ ഏറ്റുമുട്ടി
തുറവൂർ: മന്ത്രി വീണാ ജോർജ് ഓൺലൈനായി ഉദ്ഘാടനം ചെയ്ത തുറവൂർ താലൂക്കാശുപത്രിയുടെ മുന്നിൽ സിപിഎം - കോൺഗ്രസ് പ്രവർത്തകർ ഏറ്റുമുട്ടി. ആശുപത്രിയിൽ പുതുതായി നിർമിച്ച ആറു നില മന്ദിരത്തിന്റെയും ട്രോമാ കെയർ യൂണിറ്റിന്റെയും ഉദ്ഘാടനച്ചടങ്ങിന് മുൻപായാണ് പ്രതിഷേധമുണ്ടായത്.
ആവശ്യത്തിന് ജീവനക്കാരെ നിയമിക്കാതെയും ആശുപത്രിക്ക് ആവശ്യമായ ഉപകരണങ്ങൾ സ്ഥാപിക്കാതെയുമാണ് ഉദ്ഘാടനം നടത്തുന്നതെന്നാരോപിച്ചാണ് പ്രതിഷേധം.
നിലവിൽ 24 ഡോക്ടർമാർ വേണ്ടിടത്ത് 12 പേരാണുള്ളത്. ഇതിനെതിരെ കോൺഗ്രസ് പ്രതിഷേധിച്ചപ്പോൾ സിപിഎം പ്രവർത്തകർ സംഘടിച്ചെത്തുകയായിരുന്നു.
തുടർന്നുണ്ടായ സംഘർഷത്തിൽ നിരവധിപേർക്ക് പരിക്കേറ്റു. പിന്നീട് പോലീസ് സ്ഥലത്തെത്തി പ്രവർത്തകരെ പിരിച്ചുവിടുകയായിരുന്നു.
Leave A Comment