എൽഡിഎഫ് ഭരണം കൊണ്ട് ജനം മടുത്തു; ഭരണമാറ്റം ഉണ്ടാവണം: എ.കെ.ആന്റണി
തിരുവനന്തപുരം: തദ്ദേശ തെരഞ്ഞെടുപ്പിൽ യുഡിഎഫ് മികച്ച വിജയം നേടുമെന്ന് മുതിര്ന്ന കോണ്ഗ്രസ് നേതാവ് എ.കെ.ആന്റണി. സംസ്ഥാനത്ത് ഭരണമാറ്റത്തിന് വേണ്ടിയുള്ള ശക്തമായ വികാരമുണ്ട്.
എൽഡിഎഫ് ഭരണം കൊണ്ട് ജനം മടുത്തെന്നും എ.കെ.ആന്റണി പറഞ്ഞു. തിരുവനന്തപുരം ജഗതി ഗവ. എച്ച്എസ്എസിൽ വോട്ട് ചെയ്ത ശേഷം സംസാരിക്കുകയായിരുന്നു അദ്ദേഹം. മുൻ യുഡിഎഫ് കൺവീനർ എം.എം.ഹസനൊപ്പമെത്തിയാണ് ആന്റണി വോട്ട് ചെയ്തത്.
ബിജെപിയെ സംബന്ധിച്ചിടത്തോളം കഴിഞ്ഞ ലോക്സഭാ തെരഞ്ഞെടുപ്പിനെക്കാള് വോട്ടിംഗ് ശതമാനം കുറയാന് പോകുകയാണ്. ബിജെപി ക്ഷീണിച്ചുകൊണ്ടിരിക്കുകയാണ്. ഭരണമാറ്റം ഉണ്ടാക്കാന് കഴിയുന്ന ഏകമുന്നണി യുഡിഎഫാണെന്നും ആന്റണി പറഞ്ഞു.
Leave A Comment