ബസിൽ നഗ്നതാ പ്രദർശനം; പ്രതിക്ക് ഒരു വർഷം കഠിനതടവും 10,000 രൂപ പിഴയും
തൃശ്ശൂർ : ബസിൽ പ്രായപൂർത്തിയാകാത്ത പെൺകുട്ടികളുടെ മുന്നിൽ നഗ്നതാപ്രദർശനം നടത്തിയ യുവാവിന് പോക്സോ നിയമപ്രകാരം ശിക്ഷ. പുത്തൻചിറ സ്വദേശി ആലപ്പാട്ട് വീട്ടിൽ വർഗീസി(27)നാണ് തൃശ്ശൂർ ഒന്നാം അഡീഷണൽ ജില്ലാ ജഡ്ജി പി.എൻ. വിനോദ് ഒരു വർഷം കഠിനതടവും 10,000 രൂപ പിഴയും ശിക്ഷ വിധിച്ചത്.
2019 നവംബറിലാണ് കേസിനാസ്പദമായ സംഭവം. സ്കൂൾ വിട്ട് ബസിൽ വരുകയായിരുന്ന ഒമ്പതും പതിനൊന്നും വയസ്സുള്ള കുട്ടികളുടെ മുന്നിലാണ് പ്രതി നഗ്നതാപ്രദർശനം നടത്തിയത്. തുടർന്ന് ബസിറങ്ങിയ കുട്ടികളെ പിൻതുടർന്നു.
ഭയന്ന കുട്ടികൾ അടുത്ത വീട്ടിലേക്ക്‌ ഓടിച്ചെന്ന് വിവരം അറിയിച്ചു. നാട്ടുകാർ പ്രതിയെ തടഞ്ഞുവെച്ച് പോലീസിന് കൈമാറുകയായിരുന്നു. കൊടുങ്ങല്ലൂർ പോലീസാണ് അന്വേഷണം നടത്തിയത്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ അഡ്വ. ലിജി മധു ഹാജരായി.
Leave A Comment