നവദമ്പതികളുടെ തല കൂട്ടിയിടിപ്പിച്ചയാൾ അറസ്റ്റിൽ
പാലക്കാട്: പല്ലശനയില്‍ ദമ്പതിമാരുടെ തലകൂട്ടിയിടിപ്പിച്ച വ്യക്തിയെ പോലീസ് കസ്റ്റഡിയിലെടുത്തു. ദമ്പതികളുടെ അയൽവാസിയായ സുഭാഷ്(37) ആണ് പിടിയിലായത്.
ദേഹോപദ്രവമേൽപ്പിക്കൽ, സ്ത്രീത്വത്തെ അപമാനിക്കൽ തുടങ്ങിയ വകുപ്പുകൾ ചുമത്തിയാണ് പോലീസ് ഇയാൾക്കെതിരെ കേസെടുത്തത്.
പല്ലശന തെക്കുംപുറം സച്ചിന്‍റെ വിവാഹ ശേഷം വധു വരന്‍റെ വീട്ടിലേക്ക് വന്നുകയറുന്ന സമയത്താണ് സച്ചിന്‍റെയും വധു സജ്‌ലയുടെയും തലകള്‍ തമ്മില്‍ പിറകില്‍നിന്ന് സുഭാഷ് കൂട്ടിയിടിപ്പിച്ചത്.
അപ്രതീക്ഷിതമായി ബലം പ്രയോഗിച്ച് തലകള്‍ കൂട്ടിമുട്ടിയതോടെ വേദനകൊണ്ട പുളഞ്ഞ സജ്‌ല കരഞ്ഞുകൊണ്ടാണ് സച്ചിന്‍റെ വീട്ടിലേക്ക് കയറിയത്. വരന്‍റെ ഗൃഹത്തിലേക്ക് നവവധു കരഞ്ഞുകൊണ്ട് കയറണമെന്ന ആചാരത്തിനായി ആണ് ഇയാൾ ഇങ്ങനെ ചെയ്തത്.
സംഭവത്തിന്‍റെ വീഡിയോ ദൃശ്യങ്ങൾ വ്യാപകമായി പ്രചരിച്ചിരുന്നു. തുടർന്ന് വനിതാ കമ്മീഷൻ നിർദേശത്തെ തുടർന്നാണ് പോലീസ് കേസെടുത്തത്. കഴിഞ്ഞ ദിവസം വധുവരന്മാരുടെ മൊഴി പോലീസ് രേഖപ്പെടുത്തിയിരുന്നു.
Leave A Comment