കഞ്ചാവ് കടത്തിയ കേസില്‍ പ്രതികള്‍ക്ക് 10 വര്‍ഷം കഠിന തടവും, ഒരു ലക്ഷം രൂപ പിഴയും
കൊടകര: ഇന്നോവ കാറില്‍ 85 കിലോയോളം കഞ്ചാവ് കടത്തിയ കേസില്‍ കൊല്ലം സ്വദേശികളായ കരിപ്പ പുത്തന്‍വീട്ടില്‍ മുഹമ്മദ് ഹാരിസ് (25), ആഷിക് ഭവനില്‍ ആഷിക് (23), പാട്ടത്തില്‍ വീട്ടില്‍ രാഹുല്‍(27) എന്നിവരെ കുറ്റകാരെന്ന് കണ്ടെത്തി, തൃശ്ശൂര്‍ നാലാം അഡീഷണല്‍ സെഷന്‍സ് കോടതി ജഡജ് കെ. വി.രജനീഷ്, പത്തുവർഷം കഠിനതടവും ഒരു ലക്ഷം രൂപ പിഴയും ശിക്ഷ വിധിച്ചത്.
ഇന്നോവ കാറില്‍ 85 കിലോയോളം കഞ്ചാവ് കടത്തുകയായിരുന്ന മുഹമ്മദ് ഹാരിസ്, ആഷിക്, രാഹുല്‍ എന്നിവരെ കൊടകര പോലീസ് സ്റ്റേഷൻ സബ് ഇൻസ്പെക്ടർ ജയ്സൺ ജെ ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ കൊള്ളത്തൂര്‍ എന്ന സ്ഥലത്ത് വെച്ച് പിടികൂടുകയായിരുന്നു. വാഹനത്തിന്റെ പുറകിലെ സീറ്റില്‍ 2 ട്രോളി ബാഗുകളിലായും, ഡിക്കിയില്‍ 2 ചാക്ക് കെട്ടുകളായും സൂക്ഷിച്ച നിലയിലാണ് കഞ്ചാവ് കണ്ടെത്തിയത്.
പ്രോസിക്യൂഷന് ഭാഗത്തു നിന്നും വിസ്തരിച്ച 21 സാക്ഷികളുടെയും, പരിശോധനയ്ക്ക് സാക്ഷ്യം വഹിച്ച ചാലക്കുടി തഹസില്‍ദാരായ ശാന്തകുമാരി.ആര്‍ എന്നവരുടെയും മൊഴികള്‍ കേസില്‍ നിര്‍ണ്ണായകമായി.
പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര്‍ പി.ഡിനി ലക്ഷ്മണൻ, അഭിഭാഷകരായ കെ.എസ്.ധീരജ്, എം.ആര്‍.ശ്രീലക്ഷ്മി, ഇ.ബി ആര്‍ഷ എന്നിവര്‍ ഹാജരായി.
Leave A Comment