സ്കൂട്ടർ യാത്രക്കാരിയുടെ മാല കവർന്ന കേസിലെ പ്രതി പൊലീസ് കസ്റ്റഡിയില്‍
കൊടുങ്ങല്ലൂര്‍: കൊടുങ്ങല്ലൂര്‍ തണ്ടാംകുളത്ത് സ്കൂട്ടർ യാത്രക്കാരിയുടെ മാല കവർന്ന കേസിലെ പ്രതിയെ പൊലീസ് കസ്റ്റഡിയിലെടുത്തു. കയ്പമംഗലം കോഴിശ്ശേരി കണ്ണൻ്റെ ഭാര്യ ലയയുടെ ഏഴ് പവൻ തൂക്കമുള്ള മാല കവർന്ന കേസിൽ കൊല്ലം അഞ്ചാലംമൂട് സ്വദേശി കൊച്ചഴിയത്ത് പണയിൽ വീട്ടിൽ ശശിയെയാണ് കൊടുങ്ങല്ലൂർ സി.ഐ ഇ.ആർ ബൈജു, എസ്.ഐ കെ.അജിത്ത് എന്നിവർ ചേർന്ന് കസ്റ്റഡിയിലെടുത്തത്.
മറ്റൊരു കേസിൽ കൊട്ടാരക്കരയിൽ അറസ്റ്റിലായ ഇയാളെ കൊട്ടാരക്കര മജിസ്ട്രേട്ട് കോടതിയിൽ നിന്നുമാണ്കൊടുങ്ങല്ലൂർ പൊലീസ് കസ്റ്റഡിയിൽ വാങ്ങിയത്.
കഴിഞ്ഞ ജനുവരി 14നാണ് തണ്ടാംകുളത്ത് വെച്ച് സ്കൂട്ടർ യാത്രക്കാരിയുടെ മാല കവർന്നത്. ആനാപ്പുഴയിൽ വിവാഹ ചടങ്ങിൽ പങ്കെടുക്കുന്നതിനായി മക്കളോടൊപ്പം സ്കൂട്ടറിൽ പോകുകയായിരുന്നു ലയ. ഇവരെ പിന്തുടർന്ന് മോട്ടോർ ബൈക്കിലെത്തിയ രണ്ട് പേർ മാല കവർന്ന് രക്ഷപ്പെടുകയായിരുന്നു.
കേസിലുൾപ്പെട്ട ഒരാൾ കൂടി പിടിയിലാകാനുണ്ടെന്ന് പൊലീസ് പറഞ്ഞു.
Leave A Comment