പെൺകുട്ടിയെ വിലയ്ക്ക് വാങ്ങി പീഡനം: പ്രതികൾ റിമാൻഡിൽ
കാട്ടാക്കട: തമിഴ്നാട് സ്വദേശിയായ യുവതിയുടെ പ്രായപൂർത്തിയാകാത്ത മകളെ വിലയ്ക്കുവാങ്ങി പീഡിപ്പിച്ച കേസിലെ പ്രതികളെ റിമാൻഡു ചെയ്തു. നെയ്യാർഡാം ഇടവാച്ചൽ കുഞ്ചു നിവാസിൽ അഖിൽ ദേവ് ( 25), ഇയാളുടെ പെൺസുഹൃത്ത് കാട്ടാക്കട മൂങ്ങോടു വിനീഷാ ഭവനിൽ വിനീഷ (24), പെൺകുട്ടിയുടെ മാതാവ് എന്നിവരെയാണ് കാട്ടാക്കട കോടതി റിമാൻഡു ചെയ്തത്.
എറണാകുളത്ത് ഹോസ്റ്റലിൽ താമസിക്കുന്ന യുവതിയെയും കുട്ടിയെയും ട്രെയിനിൽ വച്ചാണ് അഖിൽ ദേവ് പരിചയപ്പെടുന്നത്. തുടർന്നു അഖിൽ ദേവ് 1500 രൂപ കൊടുത്ത് പെൺകുട്ടിയെ വാങ്ങി വിവിധ സ്ഥലങ്ങളിലെത്തിച്ച് പീഡിപ്പിച്ചെന്ന് പോലീസ് പറഞ്ഞു. യുവാവിന്‍റെ കാമുകിയുടെ വീട്ടിലും ഇയാള്‍ പെണ്‍കുട്ടിയുമായി പോയിരുന്നു.
യുവാവിന്‍റെയും പെണ്‍കുട്ടിയുടെയും പെരുമാറ്റത്തില്‍ പെണ്‍സുഹൃത്തിന്‍റെ അമ്മയ്ക്ക് സംശയം തോന്നിത്തുടങ്ങിയതോടെയാണ് ഞെട്ടിക്കുന്ന ക്രൂരത പുറത്തു വന്നത്. തുടർന്ന് കാട്ടാക്കട പോലീസ് പ്രതിയെ കസ്റ്റഡിയിൽ എടുക്കുകയായിരുന്നു.
Leave A Comment