ഇൻസ്റ്റഗ്രാം വഴി പരിചയപ്പെട്ട യുവതിയെ പീഡിപ്പിച്ചെന്ന് പരാതി
കാക്കനാട്: ഇൻസ്റ്റഗ്രാം വഴി പരിചയപ്പെട്ട യുവതിയെ വിവാഹ വാഗ്ദാനം നൽകി പീഡിപ്പിച്ചതായി പരാതി. കോഴിക്കോട് നീലേശ്വരം സ്വദേശിനിയായ 28 കാരിയുടെ പരാതിയിൽ കളമശേരി പളളിപ്പറമ്പിൽ വീട്ടിൽ ഗോകുൽ സുനിലിനെതിരെ ഇൻഫോപാർക്ക് പോലീസ് കേസെടുത്തു. തിങ്കളാഴ്ച രാത്രി എട്ടോടെയാണ് യുവതി പരാതി നൽകിയത്.
2023 ജനുവരി മാസത്തിൽ ഇൻസ്റ്റഗ്രാം വഴി ഇരുവരും അടുപ്പത്തിലാവുന്നത്. വാഗ്ദാനം നൽകി കഴിഞ്ഞ മേയ് അഞ്ചിനും, 14നും ഇൻഫോപാർക്ക് പടിഞ്ഞാറേ ഗേറ്റിന് സമീപത്തുള്ള കളപ്പുരയ്ക്കൽ ഒയോ റൂമിൽ വച്ചും, ജൂൺ 30നും ജൂലൈ ഒന്നിനും പടമുഗളിലുള്ള ബാൽബോവ റസിഡൻസിയിൽ വച്ചും തുടർന്ന് ജൂലൈ ഒന്പതു മുതല് ഓഗസ്റ്റ് 25 വരെയും യുവതിയെ പീഡിപ്പിച്ചതായും പരാതിയിൽ പറയുന്നു.
ഓഗസ്റ്റ് 25ന് പ്രതിയുടെ വാട്ട്സ് ആപ്പ് പ്രൊഫൈലിൽ കണ്ട പെൺകുട്ടി ഭാര്യയാണെന്ന് അറിഞ്ഞ് അതേക്കുറിച്ച് ചോദിച്ചപ്പോൾ പ്രതി യുവതിയെ മർദിക്കുകയായിരുന്നു. തുടർന്ന് യുവതി ഇൻഫോപാർക്ക് പോലീസിനെ സമീപിക്കുകയായിരുന്നു. പ്രതി ഒളിവിലാണ്.
Leave A Comment