പെരിഞ്ഞനത്ത് ചാരായവുമായി ഒരാൾ പിടിയിൽ
പെരിഞ്ഞനം: പെരിഞ്ഞനത്ത് കൊടുങ്ങല്ലൂർ എക്സൈസ് റേഞ്ച് ഉദ്യോഗസ്ഥർ നടത്തിയ പരിശോധനയിൽ ചാരായവുമായി ഒരാൾ പിടിയിൽ. പെരിഞ്ഞനം വെസ്റ്റ് കറുകപറമ്പിൽ വീട്ടിൽ മോഹനൻ (69) നെയാണ് കൊടുങ്ങല്ലൂർ അസിസ്റ്റന്റ്‌ എക്സൈസ് ഇൻസ്‌പെക്ടർ പി.വി. ബെന്നിയും സംഘവും ചേർന്ന് പിടികൂടിയത്. ഇയാളുടെ പക്കൽ നിന്നും 3 ലിറ്റർ ചാരായവും പിടിച്ചെടുത്തു.തീരദേശ മേഖലയിൽ ചാരായം വിപണനം നടത്തുന്നതായി എക്സൈസ് സംഘത്തിന് വിവരം ലഭിച്ചിരുന്നു. തുടർന്ന് നടത്തിയ അന്വേഷണത്തിലാണ് മോഹനൻ പിടിയിലായത്. എക്സൈസ് സംഘത്തിൽ അസിസ്റ്റന്റ്‌ എക്സൈസ് ഇൻസ്‌പെക്ടർമാരായ പി.ആർ.സുനിൽകുമാർ , കെ.എസ്.മന്മഥൻ, സിവിൽ എക്സൈസ് ഓഫീസർമാരായ കെ.എം.സിജാദ്, ടി.വി.കൃഷ്ണവിനായക്, മുഹമ്മദ് ദിൽഷാദ്, വനിതാ സിവിൽ എക്സൈസ് ഓഫീസർ പി.ജി.ബിജി എന്നിവരും ഉണ്ടായിരുന്നു.
Leave A Comment