മാളയിൽ എക്സൈസ് ഓഫീസിൽ കയറി ആക്രമണം; ഇൻസ്പെക്ടർ അടക്കം മൂന്നുപേർക്ക് പരിക്ക്; രണ്ടുപേർ പിടിയിൽ
മാള: മാള എക്സൈസ് ഓഫീസിൽ അതിക്രമിച്ചുകയറിയ രണ്ടു പേർ സിവിൽ എക്സൈസ് ഓഫീസറെ മർദിച്ചു. റോഡിൽവെച്ച് ഇവരെ പിടികൂടാനുള്ള
ശ്രമത്തിൽ എക്സൈസ് ഇൻസ്പെക്ടർ ജി.എസ്. സജിത്ത്കുമാറിനും സിവിൽ എക്സൈസ് ഓഫീസർ സി.കെ. ദേവദാസിനും പരിക്കേറ്റു.
മർദനമേറ്റ മൂന്ന് ഉദ്യോ ഗസ്ഥരും ചാലക്കുടി താലൂക്ക് ആശുപത്രിയിൽ ചികിത്സതേടി. എക്സൈസ് ഓഫീസറുടെ പരാതിയെത്തുടർന്ന് കുന്നത്തുകാട് സ്വദേശികളായ കുന്നത്തുകാട് സ്വദേശികളായ പടിഞ്ചേരി അക്ഷയ് , കടുലിങ്ങൽ പ്രവീൺ എന്നിവരെ മാള പോലീസ് കസ്റ്റഡിയിലെടുത്തു. എക്സൈസ് ഇൻസ്പെക്ടർ മാള പോലീസിൽ പരാതിയും മൊഴിയും നൽകിയിട്ടുണ്ട്.
സംഭവത്തെക്കുറിച്ച് എക്സൈസ് ഇൻസ്പെക്ടർ സജിത്ത്കുമാർ പറയുന്നത് ഇങ്ങനെ: മദ്യപിച്ചെത്തിയ പ്രതികൾ ഞായറാഴ്ച മൂന്നരയോടെ ഇൻസ്പെക്ടറുടെ മുറിയിലേക്ക് അതിക്രമിച്ചുകയറി. ഈ സമയത്ത് ഓഫീസിൽ ഗാർഡ് ഡ്യൂട്ടിയിലുണ്ടായിരു ന്നത് സിവിൽ എക്സൈസ് ഓഫീസർ എം.എസ്. സന്തോഷ്‌കു മാർ മാത്രമായിരുന്നു.
അസഭ്യം പറഞ്ഞ് ബഹളമുണ്ടാക്കി വാതിലിലും ബോർഡി ലും അടിച്ച ഇരുവരെയും തടയാൻ ശ്രമിച്ചപ്പോഴാണ് സന്തോഷ്‌ കുമാർ നു മർദനമേറ്റത്. തുടർന്ന് ഇരുവരെയും തള്ളിപ്പുറത്താക്കിയ പ്പോൾ റോഡിൽനിന്ന് അസഭ്യം പറയുന്നതുകണ്ടാണ് എക്സൈസ് സംഘം എത്തുന്നത്.ഇരുവരെയും പിടികൂടാൻ ശ്ര മിച്ചപ്പോഴാണ് ആക്രമിച്ചതെന്ന് പരാതിയിൽ പറയുന്നു. സംഭവത്തിൽ പോലീസ് കേസെടുത്തു
Leave A Comment