മുക്കുപണ്ട പണയ കേസിൽ പുതിയകാവ് സ്വദേശി പോലീസ് പിടിയിൽ
മതിലകം: മുക്കുപണ്ട പണയ കേസിൽ പുതിയകാവ് സ്വദേശി പോലീസ് പിടിയിൽ. മതിലകം പുന്നക്കുരു ബസാർ പാപ്പിനിവട്ടം സർവ്വീസ് കോ-ഓപ്പറേറ്റീവ് ബാങ്കിൽ വ്യാജ സ്വർണ വളകൾ കൊണ്ടുവന്ന് പണയം വച്ച് 88,000/- രൂപ വാങ്ങി തട്ടിപ്പ് നടത്തിയ പുതിയകാവ് സ്വദേശി പുഴങ്കരയില്ലത്ത് വീട്ടിൽ സിദ്ധീഖ് (54) നെയാണ് മതിലകം പോലിസ് അറസ്റ്റ് ചെയ്തത്.
ഫെബ്രുവരി 12-നാണ് സിദ്ദിഖ് ഓരോ പവൻ വീതമുള്ള 2 മുക്കുപണ്ട വളകൾ ബാങ്കിൽ പണയം വച്ച് തുക വാങ്ങിയത്. പണയം വച്ച വളകളെ ക്കുറിച്ച് സംശയം തോന്നിയ ഉദ്യോഗസ്ഥർ വളകൾ മുക്കു പണ്ടം ആണെന്ന് മനസിലാക്കി പോലിസ് സ്റ്റേഷനിൽ അറിയിക്കുകയായിരുന്നു. തുടർന്ന് സിദ്ദിഖിനെ മതിലകം പോലിസ് അറസ്റ്റ് ചെയ്തു .
സമാന രീതിയിൽ മറ്റ് ബാങ്കുകളിൽ പ്രതി മുക്കുപണ്ടങ്ങൾ പണയത്തിൽ വെച്ചിട്ടുണ്ടോ എന്ന കാര്യം അന്വേഷിച്ച് വരികയാണ്. മതിലകം ഇൻസ്പെക്ടർ എസ്.എച്ച്,ഒ. എം.കെ.ഷാജിയുടെ നേതൃത്വത്തിൽ എസ് ഐ രമ്യ കാർത്തികേയൻ, എ എസ് ഐ വിനയൻ എന്നിവർ ചേർന്ന സംഘമാണ് പ്രതിയെ അറസ്റ്റ് ചെയ്തത്.
Leave A Comment