യുവാവിനെ മുളവടി കൊണ്ട് ആക്രമിച്ച് കൊലപ്പെടുത്താൻ ശ്രമിച്ച കേസിലെ പ്രതി പിടിയിൽ
കൊടുങ്ങല്ലൂർ: കൊടുങ്ങല്ലൂരിൽ ആൾരൂപ കച്ചവടം നടത്തുന്നതിനായി വന്ന ഇടുക്കി വട്ടോളി വീട്ടിൽ 34 വയസുള്ള സഞ്ചു എന്നയാളെ മുളവടി കൊണ്ട് അടിച്ച് കൊലപ്പെടുത്താൻ ശ്രമിച്ച കേസിലാണ് അറസ്റ്റ്. എടവിവങ്ങ് കുഞ്ഞയിനി സ്വദേശിയായ ഒസാലു വീട്ടിൽ അഷറഫ് 53 വയസ് എന്നയാളെയാണ് കൊടുങ്ങല്ലൂർ പോലീസ് അറസ്റ്റ് ചെയ്തത്.
സഞ്ചു കൊടുങ്ങല്ലൂർ ഭരണി ഉത്സവത്തിനായി ആൾരൂപ കച്ചവടം നടത്തുന്നതിനായി കുടുംബസമേതം എത്തിയതാണ്. അഷറഫ് യാതൊരു പ്രകോപനമുമില്ലാതെ മദ്യപിച്ച് വന്ന് 25.03.2025 തിയ്യതി വൈകിട്ട് 07.00 ന് കൊടുങ്ങല്ലൂർ ക്ഷേത്ര പരിസരത്ത് ആൾ രൂപം കച്ചവടം നടത്തുന്ന ഇവരെ അസഭ്യം പറയുകയും സഞ്ചുവിനെ തടഞ്ഞ് നിർത്തി മുള വടികൾ കൊണ്ട് ആക്രമിക്കുകയായിരുന്നു.
കൊടുങ്ങല്ലൂർ പോലീസ് സ്റ്റേഷൻ ഇൻസ്പെക്ടർ അരുണ.ബി.കെ, സബ് ഇൻസ്പെക്ടർ സാലിം.കെ, അസി. സബ് ഇൻസ്പെക്ടർ ബാബു, സിവിൽ പോലീസ് ഓഫീസർമാരായ അനസ്, അഖിൽ രാജ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
Leave A Comment