കൊടകര: കൊടകരയിൽ വൻ സ്പിരിറ്റ് വേട്ട. അതിവേഗതയിൽ വന്ന  മിനി ലോറിയെ പിന്തുടർന്ന് പിടി കൂടിയത്  2765 ലിറ്റർ  വൻ സ്പിരിറ്റ് ശേഖരം. തൃശൂർ റൂറൽ ജില്ല പോലീസ് മേധാവി  ബി കൃഷ്ണകുമാർ IPS ന്റെ നേതൃത്വത്തിലുള്ള പ്രത്യേക സംഘമാണ്   സ്പിരിറ്റ് ശേഖരം പിടികൂടിയത്.

കൊടകര പോലീസ് സ്റ്റേഷൻ പരിധിയിൽ ദേശീയപാതയിലൂടെ മിനി ലോറിയിൽ കടത്തിക്കൊണ്ടു പോവുകയായിരുന്നു അനധികൃത സ്പിരിറ്റ് ശേഖരവുമായി യുവാവ് പിടിയിലായി. ആലപ്പുഴ കൈനകരി മാറാന്തര വീട്ടിൽ സുരാജ് 33 വയസ്സ് നെയാണ് തൃശൂർ റൂറൽ ജില്ല പോലീസ് മേധാവി  ബി കൃഷ്ണകുമാർ IPS ന്റെ നേതൃത്വത്തിൽ  ചാലക്കുടി ഡിവൈഎസ്പി  പി.സി. ബിജു കുമാറും സംഘവും ചേർന്ന് പിടികൂടിയത്.

ഓണത്തോടനുബന്ധിച്ച് വ്യാജമദ്യ ഉൽപാദനവും വിതരണവും ഉണ്ടാകുവാൻ ഇടയുണ്ടെന്ന് ലഭിച്ച രഹസ്യ വിവരത്തെ തുടർന്ന് തൃശൂർ റേഞ്ച് ഡിഐജി ഹരിശങ്കർ ഐപിഎസിന്റെ നിർദ്ദേശപ്രകാരം റേഞ്ച് തലത്തിൽ നടത്തപ്പെടുന്ന പ്രത്യേക പരിശോധനയുടെ ഭാഗമായി തൃശൂർ റൂറൽ ജില്ല പോലീസ് മേധാവി  ബി കൃഷ്ണകുമാർ ഐപിഎസിന്റെ മേൽനോട്ടത്തിലാണ് പോലീസ് ദേശീയപാതയിൽ വാഹന  പരിശോധന നടത്തിയത്. 

അതിവേഗതയിൽ വന്നിരുന്ന ഒരു വാഹനത്തെക്കുറിച്ച് അറിവ് ലഭിച്ചതിൻ്റെ അടിസ്ഥാനത്തിൽ പേരാമ്പ്ര അടിപ്പാതയോട് ചേർന്ന് നടത്തിയ വാഹന ചെക്കിനിടയാണ് മിനി ലോറിയിൽ പച്ചക്കറികൾക്കിടയിൽ ഒളിപ്പിച്ച നിലയിൽ സ്പിരിറ്റ് ശേഖരം കണ്ടെടുത്തത്. പിടികൂടിയ ഡ്രൈവറെ ചോദ്യം ചെയ്തതിൽ നിന്ന് കൊച്ചിയിലേക്ക് കൊണ്ടുപോകുകയായിരുന്നു എന്ന് അറിവ് ലഭിച്ചു. 

സ്പിരിറ്റിൻ്റെഉറവിടത്തെ സംബന്ധിച്ചും വിൽപനയിടങ്ങളെ കുറിച്ചും വിശദമായ അന്വേഷണം നടത്തുമെന്ന് പോലീസ് അറിയിച്ചു.

കൊടകര പോലീസ് സ്റ്റേഷൻ ഇൻസ്പെക്ടർ . പി കെ ദാസ്,  സബ് ഇൻസ്പെക്ടർ  ഡെന്നി .സി .ഡി,  ജില്ലാ ഡാൻസാഫ് അംഗങ്ങളായ പ്രദീപ് സി ആർ , ജയകൃഷ്ണൻ പി പി,  സതീശൻ മടപ്പാട്ടിൽ , ഷൈൻ ടി ആർ, മൂസ പി എം ,സിൽജോ വി. യു , ലിജു ഇയ്യാനി , റെജി എ യു , ബിനു എം ജെ, ഷിജോ തോമസ്. ബിജു സി കെ, സോണി സേവ്യർ, ഷിൻ്റൊ കെ ജെ,  ശ്രീജിത്ത്  ഇ എ ,നിഷാന്ത് എ.ബി, സുർജിത്ത്സാഗർ, കൊടകര പോലീസ് സ്റ്റേഷനിലെ എ എസ് ഐ മാരായ  ഷീബ അശോകൻ, ഗോകുലൻ   കെ സി, ഷിജു എം എസ്  എന്നിവർ അന്വേഷണ സംഘത്തിൽ  ഉണ്ടായിരുന്നു.