വിഷുവിന് കൊച്ചി മെട്രോ സ്റ്റേഷനിൽ ഉത്പന്നങ്ങൾ വിൽക്കുന്നതിന് അവസരം
കൊച്ചി: മെട്രോ സ്റ്റേഷനിൽ ഉത്പന്നങ്ങൾ വിൽക്കുന്നതിന് ചെറുകിട വനിതാ സംരംഭകർക്കും ഭിന്നശേഷിയുള്ളവർക്കായി പ്രവർത്തിക്കുന്ന സ്ഥാപനങ്ങൾക്കും അവസരം. ഇടപ്പള്ളി മെട്രോ സ്റ്റേഷനിൽ നടത്താൻ ഉദ്ദേശിക്കുന്ന വിഷു സ്പെഷ്യൽ മെട്രോ മഹിളാ മാർക്കറ്റിൽ ഭാഗമാകാം. ഏപ്രിൽ 11,12,13 തീയതികളിൽ നടക്കുന്ന മെട്രോ മഹിളാ മാർക്കറ്റിന് നേതൃത്വം നൽകുക ഭിന്നശേഷിയുള്ള കുട്ടികൾക്ക് വേണ്ടി പ്രവർത്തിക്കുന്ന സ്മൃതി സ്കൂൾ ആണ്.
വിഷുവിന് വീടുകളിലേക്ക് ആവശ്യമായ ഉത്പന്നങ്ങളെല്ലാം തന്നെ മെട്രോ മഹിളാ മാർക്കറ്റിൽ ലഭിക്കും. മെട്രോ മഹിളാ മാർക്കറ്റിൽ പങ്കാളികളാകാൻ താത്പര്യമുള്ള സംരഭകർക്ക് 9400210779 എന്ന നമ്പറിൽ ബന്ധപ്പെടാം. വൈറ്റില മെട്രോ സ്റ്റേഷനിൽ നടന്ന ആദ്യ മെട്രോ മഹിളാ മാർക്കറ്റിന് ലഭിച്ച മികച്ച പ്രതികരണമാണ് മറ്റ് സ്റ്റേഷനുകളിലേക്കും ഇവ വ്യാപിപ്പിക്കാൻ വഴിയൊരുക്കിയത്.
Leave A Comment