തൊടുപുഴ: പെരിയാർ വന്യജീവിസങ്കേതത്തിൽ നിന്ന് കേരള അതിർത്തികടന്ന അരിക്കൊമ്പൻ തമിഴ്നാട്ടിലെ മേഘമലയ്ക്ക് സമീപമുള്ള വനമേഖലയിൽത്തന്നെയെന്ന് റിപ്പോർട്ട്. അതേസമയം, ശനിയാഴ്ച രാത്രി ആന ജനവാസമേഖലയിൽ ഇറങ്ങിയില്ല. പ്രദേശത്ത് നിരീക്ഷണം ശക്തമാക്കിയതിന്‍റെ ഭാഗമായി ഞായറാഴ്ചയും മേഘമലയിൽ സഞ്ചാരികൾക്ക് വിലക്കേർപ്പെടുത്തി. വെടിപൊട്ടിച്ച് അരിക്കൊമ്പനെ കാടുകയറ്റാനുള്ള ശ്രമവും വനപാലകർ നടത്തുന്നുണ്ട്.

ഹൈവേസ് ഏസ്റ്റേറ്റിനും മണലാറിനുമിടയിലെ വനമേഖലയിലാണ് കൊമ്പൻ ശനിയാഴ്ച തമ്പടിച്ചിരുന്നത്. നേരത്തെ രണ്ടുതവണ മേഘമലയിലെത്തിയ ആന തിരികെ പെരിയാറിലെത്തിയിരുന്നു. എന്നാൽ ഇത്തവണ ആന മടങ്ങാൻ കൂട്ടാക്കാതിരുന്നതാണ് ആശങ്ക പരത്തുന്നത്.

വെ​​ള്ളി​​യാ​​ഴ്ച രാ​​ത്രി​​യി​​ൽ അ​​രി​​ക്കൊ​​ന്പ​​ൻ മേ​​ഘ​​മ​​ല ഹൈ​​വേ​​സ് എ​​സ്റ്റേ​​റ്റി​​നു സ​​മീ​​പ​​മെ​​ത്തി വാ​​ഴ​​ക്കൃഷി ന​​ശി​​പ്പി​​ക്കാ​​ൻ ശ്ര​​മി​​ച്ചിരുന്നു. വി​​വ​​ര​​മ​​റി​​ഞ്ഞ നാ​​ട്ടു​​കാ​​ർ വ​​നം വ​​കു​​പ്പ് ഉ​​ദ്യോ​​ഗ​​സ്ഥ​​രെ വി​​വ​​ര​​മ​​റി​​യി​​ച്ചു. ഇ​​വ​​ർ സ്ഥ​​ല​​ത്തെ​​ത്തി പ​​ട​​ക്കം പൊ​​ട്ടി​​ച്ച് ആ​​ന​​യെ വ​​ന​​ത്തി​​ലേ​​ക്ക് തു​​ര​​ത്തി.

വ​​നം​​വ​​കു​​പ്പി​​ന്‍റെ വാ​​ഹ​​ന​​ത്തി​​നു​​നേ​​രേ​​യും ആ​​ന​​യെ​​ത്തി. ചി​​ന്ന​​ക്ക​​നാ​​ലി​​നു സ​​മാ​​ന കാ​​ലാ​​വ​​സ്ഥ​​യും സാ​​ഹ​​ച​​ര്യ​​ങ്ങ​​ളു​​മു​​ള്ള​​തി​​നാ​​ൽ മേ​​ഘ​​മ​​ല​​യി​​ലേ​​ക്ക് അ​​രി​​ക്കൊ​​ന്പ​​ൻ വീ​​ണ്ടും എ​​ത്താ​​നു​​ള്ള സാ​​ധ്യ​​ത കൂ​​ടു​​ത​​ലാ​​ണെ​​ന്നാ​​ണ് വി​​ല​​യി​​രു​​ത്ത​​ൽ. അ​​തി​​നാ​​ൽ ല​​യ​​ത്തി​​ലു​​ള്ള​​വ​​രോ​​ട് ജാ​​ഗ്ര​​ത പാ​​ലി​​ക്ക​​ണ​​മെ​​ന്നും രാ​​ത്രി​​യി​​ൽ പു​​റ​​ത്തി​​റ​​ങ്ങ​​രു​​തെ​​ന്നും ത​​മി​​ഴ്നാ​​ട് വ​​നം​​വ​​കു​​പ്പ് നി​​ർ​​ദേ​​ശി​ച്ചി​ട്ടു​ണ്ട്.

അതേസമയം, അരിക്കൊമ്പന്‍റെ റേഡിയോ കോളറിൽ നിന്നുള്ള സിഗ്നൽ വിവരങ്ങൾ കേരളം നല്കുന്നില്ലെന്ന് തമിഴ്നാട് ആരോപിച്ചു. എന്നാൽ ആന ഉൾക്കാട്ടിലായതിനാൽ കൃത്യമായി സിഗ്നൽ കിട്ടുന്നില്ലെന്നാണ് കേരള വനംവകുപ്പ് പറയുന്നത്.