പീച്ചി ഡാമിന്റെ ഷട്ടറുകൾ തുറന്നു

• Jul 21, 2022

തൃശ്ശൂര്‍: പീച്ചിഡാം റിസർവോയറിൽ ജലനിരപ്പ് ഉയർന്ന സാഹചര്യത്തിൽ ഡാമിന്റെ ഷട്ടറുകൾ തുറന്നു. രാവിലെ 10 മണിയോടെയാണ് ഷട്ടറുകൾ ഓരോന്നായി ഉയർത്തിയത്. ഓരോ ഷട്ടറുകളും 2.5 സെ.മീ വീതമാണ് ഉയര്‍ത്തിയത്. 77.18 മീറ്റർ ആയിരുന്നു ഇന്നലത്തെ ജലനിരപ്പ്. ഇത് 76.02 മീറ്റർ എന്ന അപ്പർ റൂൾ കർവ്വിന്റെ ജലവിതാനത്തെ മറികടന്നിരുന്നു. ഇതെതുടർന്നാണ് ഇന്ന് ഡാമിന്റെ നാല് ഷട്ടറുകളും തുറക്കാൻ തീരുമാനമായത്. പീച്ചി ഡാമിന്റെ ജലം ഒഴുകിപ്പോകുന്ന മണലി , കരുവന്നൂര്‍ പുഴകളുടെ തീരത്തുള്ളവര്‍ ജാഗ്രത പാലിക്കേണ്ടതാണെന്ന് അധികൃതർ അറിയിച്ചു.