ചാലക്കുടിയിൽ കെഎസ്ആർടിസി ബസിടിച്ച് പരിക്കേറ്റ വയോധിക മരിച്ചു
ചാലക്കുടി: കെഎസ്ആർടിസി ബസിടിച്ച് പരിക്കേറ്റ വയോധിക മരിച്ചു. പോട്ട മഠത്തിൽ പരേതനായ വേണു ഭാര്യ 75 വയസുള്ള ഇന്ദിരയാണ് മരിച്ചത്.
ചാലക്കുടി സൗത്ത് ജംഗ്ഷനിൽ ഇന്ന് രാവിലെയാണ് സംഭവം. ഉടനെ ചാലക്കുടി സെൻ്റ് ജെയിംസ് ആശുപത്രിയിൽ പ്രവേശിപ്പിച്ചെങ്കിലും പതിനൊന്നരയോടെ മരണപ്പെടുകയായിരുന്നു. ചാലക്കുടി പോലീസ് മേൽനടപടികൾ സ്വീകരിച്ചു.
ലോട്ടറി വിൽപ്പക്കാരിയാണ് മരിച്ച ഇന്ദിര. പോട്ട പനമ്പിള്ളി കോളേജിനടുത്താണ് താമസം. മൃതദേഹം താലൂക്ക് ആശുപത്രിയിൽ പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ട് കെടുക്കും.
Leave A Comment