ആമ്പല്ലൂരിൽ ടോറസ് ലോറി തട്ടി മറിഞ്ഞ ബൈക്ക് യാത്രക്കാരൻ മറ്റൊരുലോറി ഇടിച്ച് മരിച്ചു
ആമ്പല്ലൂർ: ദേശീയപാത ആമ്പല്ലൂരിൽ ടോറസ് ലോറി തട്ടി മറിഞ്ഞ ബൈക്ക് യാത്രക്കാരൻ മറ്റൊരുലോറി ഇടിച്ച് മരിച്ചു. വരന്തരപ്പിള്ളി സ്വദേശി കോപ്പാടൻ വീട്ടിൽ വിജയൻ്റെ മകൻ 44 വയസുള്ള സുധീഷ് ആണ് മരിച്ചത്. ബുധനാഴ്ച രാവിലെയായിരുന്നു അപകടം.
തൃശൂർ ഭാഗത്തേയ്ക്ക് പോകുകയായിരുന്ന ടോറസ് ആമ്പല്ലൂരിൽ അപകടത്തിൽ മറിഞ്ഞ ലോറിയിൽ ഇടിക്കാതിരിക്കാൻ ശ്രമിക്കുന്നതിനിടെ ബൈക്കിൽ തട്ടുകയായിരുന്നു. അപകടത്തിൽ നിയന്ത്രണം വിട്ട ബൈക്ക് അതെ ദിശയിൽ വന്ന ലോറിയുടെ അടിയിലേക്ക് മറിയുകയായിരുന്നു.
തൃശൂർ ഭാഗത്തേയ്ക്ക് പോകുകയായിരുന്ന ടോറസ് ആമ്പല്ലൂരിൽ അപകടത്തിൽ മറിഞ്ഞ ലോറിയിൽ ഇടിക്കാതിരിക്കാൻ ശ്രമിക്കുന്നതിനിടെ ബൈക്കിൽ തട്ടുകയായിരുന്നു. അപകടത്തിൽ നിയന്ത്രണം വിട്ട ബൈക്ക് അതെ ദിശയിൽ വന്ന ലോറിയുടെ അടിയിലേക്ക് മറിയുകയായിരുന്നു.
ലോറിയുടെ പിൻ ചക്രം ബൈക്ക് യാത്രക്കാരൻ്റെ തലയിലൂടെ കയറിയിറങ്ങി. നാട്ടുകാർ ചേർന്ന് തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഒല്ലൂരിലെ ഐഎൻടിയുസി ചുമട്ടുതൊഴിലാളിയാണ് സുധീഷ്. പുതുക്കാട് പോലീസ് മേൽനടപടികൾ സ്വീകരിച്ചു
Leave A Comment