കൊച്ചി : എറണാകുളം അതിരൂപത അഡ്മിനിസ്ട്രേറ്റർ മാർ ആൻഡ്രൂസ് താഴത്തിന്റെ സർക്കുലർ ബിഷപ്പ് ഹൗസിന് മുന്നിൽ അൽമായ മുന്നേറ്റം കോ-ഓർഡിനേഷൻ കമ്മിറ്റി അംഗങ്ങൾ കത്തിച്ചു.

എറണാകുളം അതിരൂപതയിൽ കൽദായ രീതി അഡ്മിനിസ്ട്രേറ്റർ വഴി അടിച്ചേൽപ്പിക്കാനുള്ള സിനഡ് നീക്കം പ്രതിരോധിക്കുമെന്ന് അൽമായ മുന്നേറ്റം വ്യക്തമാക്കി.

ഞായറാഴ്ച കലൂർ റിന്യൂവൽ സെന്ററിൽ ചേരുന്ന ഇടവക പ്രതിനിധി യോഗത്തിനു ശേഷം മുഴുവൻ ഇടവകകളും മാർ ആൻഡ്രൂസ് താഴത്തിന്റെ സർക്കുലർ കൊച്ചി കോർപ്പറേഷൻ വേസ്റ്റ് ബോക്സിൽ ഉപേക്ഷിക്കും. സർക്കുലർ പള്ളികളിൽ വായിക്കണമെന്ന് പറഞ്ഞിരിക്കുന്ന ഒക്ടോബർ 9-ന് എറണാകുളം അതിരൂപതയിലെ മുഴുവൻ പള്ളികളിലും പരസ്യമായി കത്തിക്കുമെന്നും അൽമായ മുന്നേറ്റം അറിയിച്ചു. യോഗത്തിൽ ഷൈജു ആന്റണി വിഷയം അവതരിപ്പിച്ചു. തങ്കച്ചൻ പേരയിൽ, പ്രകാശ് പി. ജോൺ, ജിജി പുതുശേരി, ബെന്നി വാഴപ്പിള്ളി എന്നിവർ നേതൃത്വം നൽകി.