കേബിള്‍ ടി.വി ഓപ്പറേറ്റേഴ്‌സ്അസോസിയേഷൻറെ സംസ്ഥാന കണ്‍വെന്‍ഷൻ ലോഗോ പ്രകാശനം നടന്നു
തൃശൂർ:കേബിള്‍ ടി.വി ഓപ്പറേറ്റേഴ്‌സ് അസോസിയേഷന്‍ സംസ്ഥാന കണ്‍വെന്‍ഷന്റെ ലോഗോ പ്രകാശനം നടന്നു. തൃശൂർ കോർപ്പറേഷൻ
മേയർ എംകെ വർഗീസ് ലോഗോ പ്രകാശനം നിർവഹിച്ചു. കേരളാ വിഷന്‍ ചെയര്‍മാനും സംഘാടക സമിതി ചെയർമാനുമായ കെ.ഗോവിന്ദന്‍ അധ്യക്ഷത വഹിച്ചു . ആധുനിക കുത്തക ഭീമന്മാരെ അതിജീവിച്ചാണ് അഭിമാനകരമായ നേട്ടം കേബിൾ ടിവി ഓപ്പറേറ്റേഴ്‌സ് അസ്സോസിയേഷൻ കൈവരിച്ചതെന്നും ഇനിയും പോരാട്ടം തുടരുമെന്നും മുഖ്യപ്രഭാഷണം നടത്തിയ സിഒഎ സംസ്ഥാന ജനറല്‍ സെക്രട്ടറി കെ.വി.രാജന്‍ പറഞ്ഞു.
കേരളാവിഷന്‍ മാനേജിംഗ് ഡയറക്ടര്‍ പി.പി.സുരേഷ്‌കുമാര്‍ ,സംഘാടകസമിതി ജനറല്‍ കണ്‍വീനർ പി.ബി. സുരേഷ് , സിഒഎ ജില്ലാ പ്രസിഡന്റ് ടി.ഡി. സുഭാഷ്, ജില്ലാ സെക്രട്ടറി പി.ആന്റണി, എന്നിവർ സംസാരിച്ചു. ഫെബ്രുവരി 22,23 തിയതികളില്‍ തൃശൂർ റീജ്യണൽ തിയേറ്ററിലാണ് സിഒഎ സംസ്ഥാന കണ്‍വെന്‍ഷന്‍ നടക്കുക.
Leave A Comment