വിദ്യാര്‍ഥിനിയെ തല്ലിയെന്ന പരാതി; കെഎസ്ആര്‍ടിസി ഡ്രൈവര്‍ക്ക് സസ്‌പെന്‍ഷന്‍
പറവൂർ: ബസില്‍ കയറിയ വിദ്യാര്‍ഥിനിയെ തല്ലിയെന്ന പരാതിയില്‍ കെഎസ്ആര്‍ടിസി ഡ്രൈവര്‍ക്ക് സസ്‌പെന്‍ഷന്‍. പറവൂര്‍ ഡിപ്പോയിലെ ഡ്രൈവര്‍ ആന്‍റണി.വി.സെബാസ്റ്റ്യനെയാണ് സസ്‌പെന്‍റ് ചെയ്തത്.
ആറാം ക്ലാസ് വിദ്യാര്‍ഥിനിയുടെ പുറത്ത് ഇയാള്‍ അടിച്ചെന്ന് കുട്ടിയുടെ അമ്മ നല്‍കിയ പരാതിയിലാണ് നടപടി. കഴിഞ്ഞ ജനുവരി 30ന് വൈകുന്നേരം സ്‌കൂളില്‍നിന്ന് വീട്ടിലേക്ക് പോകാന്‍ ബസില്‍ കയറിയപ്പോള്‍ കുട്ടിയെ തല്ലിയെന്നാണ് പരാതി. നേരത്തെയും ഇയാള്‍ കുട്ടിയെ അടിച്ചിട്ടുണ്ടെന്ന് പരാതിയില്‍ പറയുന്നു.
അന്വേഷണത്തില്‍ ഇയാള്‍ കുറ്റക്കാരനാണെന്ന് കണ്ടെത്തിയതിനെ തുടര്‍ന്നാണ് നടപടി.
Leave A Comment