പൊന്നമ്പലമേട്ടിൽ അതിക്രമിച്ച് കടന്ന് പൂജ; തമിഴ്നാട് സ്വദേശിക്കെതിരെ കേസെടുത്തു
പത്തനംതിട്ട: ശബരിമല പൊന്നമ്പലമേട്ടിൽ അനധികൃതമായി കയറി പൂജ നടത്തിയ ആൾക്കെതിരേ വനംവകുപ്പ് കേസെടുത്തു. തമിഴ്നാട് സ്വദേശി നാരായണനെതിരെയാണ് കേസ് രജിസ്റ്റർ ചെയ്തത്.
അനധികൃതമായി വനത്തിൽ കയറിയതിനാണ് കേസെടുത്തിരിക്കുന്നത്. ഒരാഴ്ച മുൻപാണ് ഇയാൾ പൊന്നമ്പലമേട്ടിൽ എത്തി പൂജ നടത്തിയത്. ഇതിന്‍റെ വീഡിയോ ദൃശ്യങ്ങളും പുറത്തുവന്നിട്ടുണ്ട്. ശബരിമലയിൽ മുമ്പ് കീഴ്‌ശാന്തിയുടെ സഹായിയായിരുന്നു നാരായണൻ എന്നാണ് വിവരം.
സംഭവത്തിൽ ദേവസ്വംമന്ത്രി സി. രാധാകൃഷ്ണൻ റിപ്പോർട്ട് തേടി. വനംവകുപ്പ് മേധാവിക്കും പോലീസ് മേധാവിക്കും പരാതി നൽകുമെന്ന് ദേവസ്വം ബോർഡും വ്യക്തമാക്കിയിരുന്നു.
Leave A Comment