വിവാഹ ദിനത്തിൽ സംഘർഷം; വധുവിന്‍റെ പിതാവ് കൊല്ലപ്പെട്ടു
തിരുവനന്തപുരം: വര്‍ക്കലയില്‍ വിവാഹ ദിനത്തിൽ വധുവിന്‍റെ വീട്ടില്‍ സംഘര്‍ഷം. പെണ്‍കുട്ടിയുടെ പിതാവ് കൊല്ലപ്പെട്ടു. വടശേരിക്കോണം ശ്രീലക്ഷ്മിയില്‍ രാജു(61) ആണ് കൊല്ലപ്പെട്ടത്.
സംഭവത്തില്‍ പെണ്‍കുട്ടിയുടെ സുഹൃത്ത് ജിഷ്ണു, സഹോദരന്‍ ജിജിന്‍ സുഹൃത്തുക്കളായ ശ്യാം, മനു എന്നിവരെ പോലീസ് പിടികൂടി.
രാജുവിന്‍റെ മകള്‍ ശ്രീലക്ഷ്മിയുടെ വിവാഹം ശിവഗിരിയില്‍ വച്ച് ഇന്ന് നടക്കാനിക്കെയായിരുന്നു ദാരുണസംഭവം നടന്നത്. രാജുവിന്‍റെ സമീപവാസികളാണ് പ്രതികൾ.
ജിഷ്ണുവും പെൺകുട്ടിയും നേരത്തെ പ്രണയത്തിലായിരുന്നു. എന്നാൽ പിന്നീട് പെൺകുട്ടി ഈ ബന്ധം അവസാനിപ്പിച്ചു. ഇതിൽ പ്രതികൾക്ക് വൈരാഗ്യമുണ്ടായിരുന്നു.
ചൊവ്വാഴ്ച രാത്രിയിൽ പെൺകുട്ടിയുടെ വീട്ടിലെത്തിയ പ്രതികൾ രാജുവുമായി വാക്കുതർക്കമുണ്ടാവുകയും രാജുവിനെ മൺവെട്ടികൊണ്ട് അടിക്കുകയും കത്തികൊണ്ട് വെട്ടുകയും ചെയ്തു.
തുടർന്ന് സ്ഥലത്ത് നിന്നും ഓടിരക്ഷപെട്ട പ്രതികളെ നാട്ടുകാരാണ് പിടികൂടിയത്. രാജുവിനെ ഉടൻതന്നെ ആശുപത്രിയിലെത്തിച്ചുവെങ്കിലും മരണം സംഭവിച്ചു.
Leave A Comment