പാകിസ്ഥാൻ്റെ വാനമ്പാടി നയ്യാര നൂര്‍ അന്തരിച്ചു
കറാച്ചി:പാക്കിസ്ഥാനി ഗായിക നയ്യാര നൂര്‍ അന്തരിച്ചു. 71 വയസായിരുന്നു. അസുഖബാധിത കറാച്ചിയില്‍ ചികിത്സയില്‍ കഴിയുകയായിരുന്നു.ഗസല്‍ ഗാനത്തിലൂടെ പാക്കിസ്ഥാനിലും ഇന്ത്യയിലുമുള്ള സംഗീത പ്രേമികളുടെ ഹൃദയം കവര്‍ന്ന ഗായികയാണ്. ഇന്ത്യയില്‍ ജനിച്ച നയ്യാര പിന്നീട് പാക്കിസ്ഥാനിലേക്ക് കുടിയേറുകയായിരുന്നു.
1050ല്‍ അസമിലെ ഗുവാഹത്തിയിലാണ് നയ്യാര ജനിച്ചത്. ഇന്ത്യന്‍ മുസ്ലീം ലീഗിന്റെ സജീവപ്രവര്‍ത്തകനായിരുന്നു നയ്യാരയുടെ പിതാവ്. ഇന്ത്യ- പാക് വിഭജനത്തിനു മുന്‍പ് മുഹമ്മദലി ജിന്ന അസം സന്ദര്‍ശിച്ചപ്പോള്‍ അതിഥേയനായത് അദ്ദേഹമായിരുന്നു. പാക്കിസ്ഥാനിലെ പഞ്ചാബ് പ്രവിശ്യയിലുള്ള ലഹോറിലേക്ക് 1958ലാണ് നയ്യാരയും കുടുംബവും കുടിയേറുന്നത്.
Leave A Comment