അദാനിയോട് പോലും മത്സരിക്കാൻ ശേഷിയുള്ള കമ്പനിയാണ് ഊരാളുങ്കൽ: എം.വി. ഗോവിന്ദൻ
തിരുവനന്തപുരം: കേരളത്തിലെ അദാനിയാണ് ഊരാളുങ്കൽ സൊസൈറ്റിയെന്ന കെ.എം. ഷാജിയുടെ ആരോപണത്തിന് മറുപടിയുമായി സിപിഎം സംസ്ഥാന സെക്രട്ടറി എം.വി. ഗോവിന്ദൻ. ഊരാളുങ്കലിനെ തകർക്കാനാണ് പ്രതിപക്ഷത്തിന്‍റെ ശ്രമം. അദാനിയോട് പോലും മത്സരിക്കാൻ ശേഷിയുള്ള കമ്പനിയാണ് ഊരാളുങ്കലെന്നും ഗോവിന്ദൻ പറഞ്ഞു.
കള്ളപ്പണം വെളുപ്പിക്കൽ കെ.എം. ഷാജിയുടെ ശീലമാണെന്നും ഊരാളുങ്കലിന് ആ പണിയില്ലെന്നും ഗോവിന്ദൻ പറഞ്ഞു. പ്രധാനമന്ത്രിക്കു വേണ്ടി അദാനിയും മുഖ്യമന്ത്രിക്കുവേണ്ടി ഊരാളുങ്കലും കള്ളപ്പണം വെളുപ്പിക്കുന്നുവെന്നാണ് രാവിലെ കെ.എം ഷാജി ആരോപിച്ചത്.
മുഖ്യമന്ത്രിയുടെ പിണറായിയിലെ വീടിന്‍റെ ഹൗസ് നമ്പർ ഔട്ട് ഹൗസിന്‍റേതാണ്. സമാനമായി ഔട്ട് ഹൗസിന് നൽകിയിരിക്കുന്നത് വീടിന്‍റെ നമ്പറും. ഇത്തരത്തിലുള്ള തട്ടിപ്പുകൾ മുഖ്യമന്ത്രി നടത്തുന്നുവെന്നും ഷാജി ആരോപിച്ചു. ഉന്നയിച്ച ആരോപണങ്ങളെല്ലാം അന്വേഷിക്കാവുന്നതാണ്. തെറ്റാണെങ്കിൽ തനിക്കെതിരേ കേസെടുക്കാമെന്നും ഷാജി വെല്ലുവിളിച്ചു.
Leave A Comment