കോഴിക്കോട് കെഎസ്‌യു നേതാക്കൾ കസ്‌റ്റഡിയിൽ
കോഴിക്കോട്: മുഖ്യമന്ത്രി പിണറായി വിജയന്‍റെ സന്ദർശനത്തോട് അനുബന്ധിച്ച് കോഴിക്കോട് കെഎസ്‌യു പ്രവർത്തകർ കരുതൽ തടങ്കലിൽ. കെഎസ്‌യു ജില്ലാ വെെസ് പ്രസിഡന്‍റ് സൂരജിനെയും എലത്തുർ ബ്ലോക്ക് പ്രസിഡന്‍റ് രാഗിനെയുമാണ് പോലീസ് കരുതൽ തടങ്കലിലാക്കിയത്.
മുഖ്യമന്ത്രി പോകുന്ന റോഡിന് സമീപം നിൽക്കുന്ന ഇവരുടെ കെെയിൽ കെഎസ്‌യു പതാക കണ്ടത്തോടെയാണ് നടക്കാവ് പോലീസ് പ്രവർത്തകരെ കസ്‌റ്റഡിയിലെടുത്തത്. ബലം പ്രയോഗിച്ചാണ് ഇവരെ സ്ഥലത്ത് നിന്ന് മാറ്റിയത്.
151 സിആർപിസി വകുപ്പ് പ്രകാരമുള്ള കരുതൽ തടങ്കൽ ആണെന്നാണ് പോലീസ് പറയുന്നത്. കന്നത്ത സുരക്ഷ‍യാണ് മുഖ്യമന്ത്രിക്ക് ജില്ലയിൽ ഒരുക്കിയിരിക്കുന്നത്.
Leave A Comment