'ദ കേരള സ്റ്റോറി' യഥാർഥ കേരളത്തിന്‍റെ കഥയല്ല: യെച്ചൂരി
ന്യൂഡൽഹി: യഥാർഥ കേരളത്തിന്‍റെ സ്റ്റോറി "ദ കേരള സ്റ്റോറി' അല്ലെന്ന് സിപിഎം ജനറൽ സെക്രട്ടറി സീതാറാം യെച്ചൂരി. ജനങ്ങളുടെ ജീവിത നിലവാരം ഉയർത്തിയ നാടാണ് യഥാർത്ഥ കേരള സ്റ്റോറിയെന്നും അദ്ദേഹം പറഞ്ഞു.
കേരളത്തിന്‍റെ യഥാർഥ സ്റ്റോറിയുമായി ബന്ധമില്ലാത്തതാണ് സിനിമ. കേന്ദ്ര ആഭ്യന്തര മന്ത്രാലയം തന്നെ ലൗ ജിഹാദ് എന്ന വാക്കില്ല എന്ന് പറഞ്ഞിട്ടുണ്ട്. ഇത്തരം സിനിമകൾ യഥാർഥ്യവുമായി ഒരു ബന്ധവുമില്ലാത്തതാണ്. കേരളത്തിലെ ജനങ്ങൾ ഇത്തരം വിഭജന രാഷ്ട്രീയത്തെ എതിർത്തവരാണെന്നും യെച്ചൂരി പറഞ്ഞു.
ഇത്തരത്തിൽ മുൻപും സിനിമകൾ ഇറങ്ങിയിട്ടുണ്ടെന്നും കാശ്‌മീർ ഫയൽസ് അതിന് ഉദാഹരണമാണെന്നും യെച്ചൂരി കൂട്ടിച്ചേർത്തു.
Leave A Comment