സംഗീതയുടെ മരണം പോലീസ് അന്വേഷണത്തില്‍ വീഴ്ചയുണ്ടോയെന്ന് പരിശോധിക്കുമെന്ന് കമ്മീഷന്‍
സംഗീതയുടെ മരണം:
പോലീസ് അന്വേഷണത്തില്‍ വീഴ്ചയുണ്ടോയെന്ന്
പരിശോധിക്കുമെന്ന് കമ്മീഷന്‍
കുന്നംകുളം അരുവായ് കണ്ടുരത്തി വീട്ടില്‍ സുമേഷിന്റെ ഭാര്യ സംഗീതയുടെ മരണത്തില്‍ പോലീസ് അന്വേഷണത്തില്‍ വീഴ്ച സംഭവിച്ചിട്ടുണ്ടോയെന്ന് പരിശോധിച്ച് ആവശ്യമായ നിര്‍ദേശം നല്‍കുമെന്ന് പട്ടികജാതി പട്ടികഗോത്രവര്‍ഗ കമ്മീഷന്‍ ചെയര്‍മാന്‍ ബി.എസ് മാവോജി പറഞ്ഞു. സംഗീത(24) യുടെ മരണവുമായി ബന്ധപ്പെട്ട് എറണാകുളം മത്തായി മാഞ്ഞൂരാന്‍ റോഡില്‍ പാലപ്പറമ്പില്‍ വീട്ടില്‍ ഷീബ സജീവന്‍
നല്‍കിയ പരാതിയുടെ അടിസ്ഥാനത്തില്‍ അവരുടെ വീട് സന്ദര്‍ശിച്ച് മൊഴി എടുത്തശേഷം സംസാരിക്കുകയായിരുന്നു ചെയര്‍മാന്‍.
സംഗീതയുടെ മാതാപിതാക്കളില്‍ നിന്ന് കമ്മീഷന്‍ വിശദമായി മൊഴിയെടുത്തു. ജാതീയമായ അതിക്രമങ്ങളും സ്ത്രീധനത്തിന് വേണ്ടി എന്തും ചെയ്യാന്‍ മടിയില്ലാത്തവരും ഇന്നും സമൂഹത്തിലുണ്ടെന്നത് നമ്മുടെ അഭിമാനത്തെ ചോദ്യം ചെയ്യുന്നതാണെന്ന് ചെയർമാൻ പറഞ്ഞു.
കമ്മീഷന്‍ അംഗം അഡ്വ. സൗമ്യ സോമന്‍, അഡീഷണല്‍ ജില്ലാ മജിസ്ട്രേറ്റ് എസ്. ഷാജഹാന്‍, കമ്മീഷന്‍ രജിസ്ട്രാര്‍ ലീന ലിറ്റി, പോലീസ് ഡെപ്യൂട്ടി കമ്മീഷണര്‍ എന്‍. രാജന്‍, ജില്ലാ പട്ടിക ജാതി ഓഫീസര്‍ കെ. സന്ധ്യ തുടങ്ങിയവരും കമ്മീഷനൊപ്പം ഉണ്ടായിരുന്നു.
2022 ജൂണ്‍ ഒന്നിനാണ് സംഗീത എറണാകുളത്തെ വീട്ടില്‍ മരിച്ച നിലയിൽ കാണപ്പെട്ടത്.
Leave A Comment