മുഖ്യമന്ത്രി പിണറായി വിജയൻ ഉമ്മൻ ചാണ്ടിയെ സന്ദർശിച്ചു
ആലുവ : മുൻ മുഖ്യമന്ത്രി ഉമ്മൻചാണ്ടിയെ ആലുവ ഗവ ഗസ്റ്റ് ഹൗസിൽ മുഖ്യമന്ത്രി പിണറായി വിജയൻ സന്ദർശിച്ചു. ചികിത്സയ്ക്കായി ജർമനിയിൽ പോകാൻ തയാറെടുക്കുന്ന ഉമ്മൻ ചാണ്ടിക്ക് മുഖ്യമന്ത്രി ആശംസകൾ നേർന്നു. പൂർണ്ണ ആരോഗ്യവാനായി തിരിച്ചെത്തിയ ശേഷം വീണ്ടും കാണാമെന്നും മുഖ്യമന്ത്രി പറഞ്ഞു.
രാവിലെ നടൻ മമ്മൂട്ടി ആലുവ പാലസിലെത്തി 79-ാം പിറന്നാൾ ആശംസകൾ നേർന്നു. പൂച്ചെണ്ടും കൈമാറി.
കുടുംബാംഗങ്ങളോടും മമ്മൂട്ടി വിശേഷങ്ങൾ പങ്കിട്ടു. രാവിലെ കോൺഗ്രസ് നേതാക്കളുടെയും കുടുംബാംഗങ്ങളുടെയും സാന്നിധ്യത്തിൽ കേക്ക് മുറിച്ച് ആഘോഷിച്ചു. നടൻ ജയറാം വീഡിയോ കോളിലൂടെ ആശംസ നേർന്നു.
അൻവർ സാദത്ത് എംഎൽഎ, എറണാകുളം ഡിസിസി അധ്യക്ഷൻ മുഹമ്മദ് ഷിയാസ് തുടങ്ങിയ നേതാക്കൾ രാവിലെ തന്നെ പാലസിൽ എത്തിയിരുന്നു. പുതുപ്പള്ളിയിലാണ് സാധാരണ പിറന്നാള്‍ ആഘോഷങ്ങളെങ്കിലും രാജഗിരി ആശുപത്രിയിലെ ചികിത്സയ്ക്ക് ശേഷം ആലുവ പാലസിൽ ഇന്നലെ എത്തി വിശ്രമിച്ചതിനാലാണ് ആഘോഷം ആലുവയിലാക്കിയത്.
Leave A Comment