മുൻ എംഎൽഎ പ്രഫ. നബീസ ഉമ്മാൾ അന്തരിച്ചു
തിരുവനന്തപുരം: കഴക്കൂട്ടം മുൻ എംഎൽഎ പ്രഫ.നബീസ ഉമ്മാൾ (92) അന്തരിച്ചു. നെടുമങ്ങാട് പത്താംകല്ലിലെ വസതിയിൽ വച്ചായിരുന്നു അന്ത്യം.
1987-ൽ ഇടത് സ്വതന്ത്രയായി കഴക്കൂട്ടം നിയമസഭാ മണ്ഡലത്തിൽ നിന്നും തെരഞ്ഞെടുക്കപ്പെട്ടു. 1991-ൽ കഴക്കൂട്ടത്ത് നിന്നും എം.വി. രാഘവനോട് നിസാരവോട്ടിന് പരാജയപ്പെട്ടു.
മലയാളത്തിൽ ബിരുദാനന്തര ബിരുദം നേടിയ ആദ്യ മുസ്‌ലിം പെൺകുട്ടിയായിരുന്നു നബീസ ഉമ്മാൾ. കേരള സർവകലാശാലയിലും കേരളത്തിലെ നിരവധി സർക്കാർ കോളജുകളിൽ അധ്യാപികയായും പ്രിൻസിപ്പലായും സേവനമനുഷ്ഠിച്ചിട്ടുണ്ട്.
അറിയപ്പെടുന്ന അക്കാദമിക് വിദഗ്ധയുമായിരുന്ന നബീസ ഉമ്മാൾ നെടുമങ്ങാട് മുൻസിപ്പാലിറ്റി അധ്യക്ഷ പദവിയും വഹിച്ചിട്ടുണ്ട്. ഖബറടക്കം വൈകിട്ട് അഞ്ചിന് മണക്കോട് ജുമാമസ്ജിദ് ഖബർസ്ഥാനിൽ.
Leave A Comment