മഴയ്ക്കായി ഇനിയും കാത്തിരിക്കണം; കേരളത്തിൽ കാലവർഷം എത്തുന്നത് വൈകും
തിരുവനന്തപുരം: കേരളത്തിൽ കാലവർഷം എത്തുന്നത് വൈകും. നേരത്തെ പ്രവചിച്ചത് പോലെ ജൂൺ നാലിന് കാലവർഷം എത്തില്ല. ഇനിയും നാല് ദിവസം കഴിഞ്ഞാകും കാലവർഷം എത്തുകയെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്‍റെ അറിയിപ്പ്.
അതേസമയം സംസ്ഥാനത്ത് ഒറ്റപ്പെട്ടയിടങ്ങളിൽ മഴ തുടരുകയാണ്. പത്തനംതിട്ട, ഇടുക്കി ജില്ലകളിൽ ഇന്നും നാളെയും യെല്ലോ അലർട്ട് പ്രഖ്യാപിച്ചിട്ടുണ്ട്. കേരള, കർണാടക, ലക്ഷദ്വീപ് തീരങ്ങളിൽ മത്സബന്ധനത്തിന് വിലക്കുണ്ട്. നാളെ അറബിക്കടലിൽ രൂപംകൊള്ളുന്ന ചക്രവാതച്ചുഴി, മറ്റന്നാളോടെ ന്യൂനമർദ്ദമായി മാറും. ഇതിന്റെ ദിശയും കാലവർഷത്തെ ബാധിച്ചേക്കും.
Leave A Comment