കൽപ്പറമ്പിൽ ഇടിമിന്നലേറ്റ് യുവതിയുടെ കേൾവി നഷ്ടമായി

• Oct 26, 2023

കൽപ്പറമ്പ്: ഇടിമിന്നലേറ്റ് യുവതിയുടെ കേൾവി നഷ്ടമായി. വീടിന്റെ ഭിത്തിയിൽ ചാരിനിന്ന് നിന്ന് കുഞ്ഞിന് ഭക്ഷണം കൊടുക്കുന്നതിനിടെയാണ് അപകടം സംഭവിച്ചത്. പൂമംഗലം കൽപ്പറമ്പ് വെങ്ങാട്ടുമ്പിള്ളി ക്ഷേത്രത്തിന് സമീപം താമസിക്കുന്ന പൂണത്ത് വീട്ടിൽ സുബീഷ് ഭാര്യ ഐശ്വര്യക്കാണ് ഇടിമിന്നലേറ്റത്. ഐശ്വര്യയുടെ ആറ് മാസം പ്രായമായ കുഞ്ഞും തെറിച്ചു വീണു . ഇടത് ചെവിയുടെ കേൾവി ശക്തി നഷ്ട്ടപ്പെട്ടു.  ഐശ്വര്യയ്ക്ക് കേൾവി നഷ്ടമായതിനൊപ്പം ശരീരത്തിലും പൊള്ളലേറ്റു . ഇന്നലെ രാത്രി ഏഴ് മണിയോടെയായിരുന്നു സംഭവം.  ബോധം നഷ്ടപ്പെട്ടതിനെ  തുടർന്ന് ആശുപതിയിലെത്തിച്ചപ്പോഴാണ് കേൾവി ശക്തി നഷ്ടപ്പെട്ടതായി തിരിച്ചറിഞ്ഞത്. സമീപത്തെ വീടുകളിലും മിന്നലാക്രമണത്തിൽ നാശ നഷ്ട്ടം ഉണ്ടായി.