ഹിറ്റാച്ചി കുളത്തിൽ വീണ് ഡ്രൈവർ മരിച്ചു

• Dec 18, 2023

പെരുമ്പാവൂർ: രായമംഗലത്ത് ഹിറ്റാച്ചി കുളത്തിൽ വീണ് ഡ്രൈവർ മരിച്ചു. ആന്ധ്ര സ്വദേശി ദിവാങ്കർ ശിവാങ്കി ആണ് മരണമടഞ്ഞത്. തൈക്കാട്ട് ഇല്ലത്ത് നാരായണൻ ഇളയതിന്റെ വീട്ടിലെ കുളം ശുചീകരിക്കുന്നതിന് ഇടയിലാണ് അപകടം ഉണ്ടായത്. ഹിറ്റാച്ചി ഉയർന്ന ഭാഗത്തുനിന്ന് കുളത്തിലേക്ക് വീഴുകയായിരുന്നു. വാഹനത്തിന്റെ അടിയിൽപ്പെട്ടാണ് ഡ്രൈവർ മരണമടഞ്ഞത്. പിന്നീട് പെരുമ്പാവൂർ ഫയർഫോഴ്സ് സ്ഥലത്തെത്തി നാട്ടുകാരുടെയും മറ്റൊരു ജെസിബിയുടെയും സഹായത്തോടെ ചിറ്റാച്ചി ഉയർത്തി ഡ്രൈവറെ പുറത്തെടുത്തു. വൈകിട്ട് 3.30ന് ആയിരുന്നു സംഭവം.