ശക്‌തമായ കാറ്റിലും മഴയിലും മരം കടപുഴകി വീണ് രണ്ട് വീടുകൾക്ക് നാശനഷ്ടം
പറവൂർ: ശക്‌തമായ കാറ്റിലും മഴയിലും മരം കടപുഴകി വീണ് രണ്ട് വീടുകൾക്ക് നാശനഷ്ടം. വടക്കേക്കര പഞ്ചായത്ത് 20-ാം വാർഡിൽ മാല്യങ്കര പുത്തൻപുരയ്ക്കൽ അനുരുദ്ധൻ്റെ വീടിന് മുകളിലേക്ക് തിങ്കളാഴ്ച ഉച്ചയ്ക്ക് രണ്ടരയോടെ ആഞ്ഞിലി മരംവീണു. വീട് ഭാഗികമായി തകർന്നു.ആർക്കും പരുക്കില്ല. ചിറ്റാറ്റുകര പഞ്ചായത്ത് 18-ാം വാർഡിൽ പട്ടണം വടക്ക് കണ്ണാട്ടുപാടത്ത് കൃഷ്‌ണകുമാറിന്റെ വീടിന് മുകളിലേക്കും ഇന്ന് ഉച്ചയ്ക്ക് ശേഷമുണ്ടായ കാറ്റിൽ മരം വീണു. വീട് ഭാഗികമായി തകർന്നു. ആർക്കും പരുക്കില്ല. ജീർണാവസ്‌ഥയിലായിരുന്ന വീട്ടിലാണ് ഇവർ കഴിഞ്ഞിരുന്നത്. ലൈഫ് പദ്ധതിയുടെ മുൻഗണനാ ക്രമത്തിൽ പിന്നിലായതിനാൽ ഇവർക്ക് ഇതുവരെ ആനുകൂല്യം ലഭിച്ചിട്ടില്ല.
Leave A Comment