എറിയാട് ആശ്രയ ഭവനത്തിലെ അന്തേവാസിയെ മരിച്ച നിലയിൽ കണ്ടെത്തി
കൊടുങ്ങല്ലൂർ: ആശ്രയ ഭവനത്തിലെ അന്തേവാസിയെ മരിച്ച നിലയിൽ കണ്ടെത്തി. നിരാലംബരായവർക്കായി എറിയാട് പഞ്ചായത്ത് നിർമ്മിച്ച ആശ്രയ ഭവനത്തിലെ താമസക്കാരിയായ 56 വയസുള്ള പള്ളത്ത് കനകയാണ് മരിച്ചത്.കഴിഞ്ഞ ദിവസങ്ങളിൽ കനകയ്ക്ക് പനി അനുഭവപ്പെട്ടിരുന്നു. ഇന്ന് രാവിലെ മുറിയുടെ വാതിൽ തുറക്കാതെ വന്നതിനെ തുടർന്ന് ആശ്രയ ഭവനത്തിലെ മറ്റു താമസക്കാർ കനകയുടെ ബന്ധുക്കളെ വിവരമറിയിച്ചു. പിന്നീട് മുറിയുടെ വാതിൽ പൊളിച്ചപ്പോഴാണ് കനകയെ മരിച്ച നിലയിൽ കണ്ടെത്തിയത്. കൊടുങ്ങല്ലൂർ പൊലീസ് മേൽനടപടികൾ സ്വീകരിച്ചു.
Leave A Comment