അഴീക്കോട്: നിരോധിത വലകൾ ഉപയോഗിച്ച് അനധികൃത മത്സ്യബന്ധനം നടത്തിയ 2 ബോട്ടുകൾ ഫിഷറീസ് വകുപ്പ് പിടിച്ചെടുത്ത് പിഴ ചുമത്തി. എറണാകുളം  മാല്യങ്കര സ്വദേശി കോഴിക്കൽ വീട്ടിൽ അജീഷ് കുമാറിൻ്റെ  സന്ധ്യ എന്ന ബോട്ടും മുനമ്പം പള്ളിപ്പുറം സ്വദേശി കുരിശിങ്കൽ  വീട്ടിൽ രതീഷിൻറെ  ഉടമസ്ഥതയിലുള്ള  സെൻ്റ് സ്തേഫാനോസ് എന്ന  ബോട്ടുമാണ്  ഫിഷറീസ് - മറൈൻ എൻഫോഴ്സ്മ്മെൻ്റ്   പിടിച്ചെടുത്തത്. അഴീക്കോട് മുതൽ വടക്കേ അതിർത്തിയായ കാപ്രിക്കാട് വരെയുള്ള കടൽതീരത്തും ആഴക്കടലിലും നിരീക്ഷണം ശക്തമാക്കി വരവേയാണ് അനധികൃത മാര്‍ഗങ്ങളിലൂടെ മത്സ്യ ബന്ധനം നടത്തിയിരുന്ന മുനമ്പം, ഭാഗത്ത് നിന്ന് വന്ന ബോട്ടുകൾ   പിടിച്ചെടുത്ത് പിഴ ചുമത്തിയത് . പരിശോധനയില്‍  ബോട്ടുകളിൽ ഉപയോഗിച്ചിരുന്ന കണ്ണി വലുപ്പം കുറഞ്ഞ വലകൾ പിടിച്ചെടുത്തു.