ജാമ്യവ്യവസ്ഥ ലംഘിച്ച കുറ്റവാളിയായ കുറുമശേരി സ്വദേശിയെ ജയിലിലടച്ചു
ചെങ്ങമനാട് : ജാമ്യവ്യവസ്ഥ ലംഘിച്ച കുറ്റവാളിയുടെ ജാമ്യം റദ്ദ് ചെയ്ത് ജയിലിലടച്ചു. പാറക്കടവ് കുറുമശ്ശേരി പള്ളിയറക്കൽ വീട്ടിൽ വിനേഷിന്‍റെ (കണ്ണൻ സ്രാങ്ക് -42) ജാമ്യമാണ് റദ്ദാക്കിയത്.
കുറുമശ്ശേരിയിൽ ജയപ്രകാശ് എന്നയാൾ കൊല്ലപ്പെട്ട കേസിലെ പ്രതിയായ ഇയാൾക്ക് ഉപാധികളോടെ കോടതി ജാമ്യം അനുവദിച്ചിരുന്നു. എന്നാൽ, വ്യവസ്ഥകൾ ലംഘിച്ച് കഴിഞ്ഞ മാർച്ചിൽ കുറുമശ്ശേരിയിലെ വ്യാപാരിയെ ഭീഷണിപ്പെടുത്തി പണം അപഹരിക്കാൻ ശ്രമിച്ചു.
തുടർന്ന് ജില്ലാ പോലീസ് മേധാവി സമർപ്പിച്ച റിപ്പോർട്ടിന്‍റെ അടിസ്ഥാനത്തിൽ ജില്ലാ സെഷൻസ് കോടതി ജാമ്യം റദ്ദ് ചെയ്തു.
കൊലപാതകം, വധശ്രമം തുടങ്ങി വിവിധ കേസുകളിലെ പ്രതിയാണ് ഇയാൾ. ചെങ്ങമനാട് എസ്.ഐ. പി.ജെ. കുര്യാക്കോസ്, എ.എസ്.ഐ. സിനുമോൻ എന്നിവരുടെ നേതൃത്വത്തിലാണ് അറസ്റ്റ്.
Leave A Comment