വാട്ടർ ടാങ്കിന് വൈദ്യുതി കണക്ഷൻ നൽകുന്നില്ല, കെ എസ് ഇ ബി അസിസ്റ്റന്റ് എഞ്ചിനീയരെ ഉപരോധിച്ചു
പുത്തൻവേലിക്കര: മാനാഞ്ചേരിക്കുന്നിൽ ജൽജീവൻ പദ്ധതിമുഖേന നിർമിച്ചിട്ടുള്ള വാട്ടർ ടാങ്കിലേക്ക് വെള്ളം പമ്പ് ചെയ്യുന്നതിനാവശ്യമായ വൈദ്യുതി കണക്ഷൻ നൽകണമെന്ന് ആവശ്യപ്പെട്ട് കെ.എസ്.ഇ.ബി. അസിസ്റ്റന്റ് എൻജിനീയറെ എ.ഐ.വൈ.എഫ്. മേഖലാ കമ്മിറ്റിയുടെ നേതൃത്വത്തിൽ ഉപരോധിച്ചു.
പ്രദേശത്ത് കുടിവെള്ളക്ഷാമം രൂക്ഷമായ സാഹചര്യത്തിലായിരുന്നു സമരം. ടാങ്കിൽ വെള്ളം പമ്പ് ചെയ്തുകയറ്റി വിതരണം നടന്നാൽ പ്രശ്നപരിഹാരമുണ്ടാകും. സാങ്കേതിക പ്രശ്നങ്ങൾ പരിഹരിച്ച് രണ്ടാഴ്ചക്കുള്ളിൽ കണക്ഷൻ നൽകാമെന്ന് അസിസ്റ്റന്റ് എൻജിനീയർ സമരക്കാർക്ക് ഉറപ്പുനൽകിയതോടെ സമരം അവസാനിപ്പിച്ചു.
എ.എൻ. രാധാകൃഷ്ൺ, ഷെറൂബി സെലസ്റ്റീന, ഷീറിയാസ് തോമസ്, ഐബിൻ ജോയ്, വി.എസ്. അജയ് കുമാർ എന്നിവർ നേതൃത്വം നൽകി.
Leave A Comment