പാമ്പും മേയ്ക്കാട്ട് മനയിൽ ദർശനത്തിനായി ആയിരങ്ങൾ
വടമ :കേരളത്തിലെ സർപ്പാരാധനാ കേന്ദ്രങ്ങളിലൊന്നായ മാള വടമ പാമ്പും മേയ്ക്കാട്ട് മനയിൽ വൃശ്ചികം ഒന്നിന് ദർശനത്തിനായി ആയിരങ്ങളെത്തി . മണ്ഡലമാസത്തിന് തുടക്കം കുറിച്ച് നിരവധി അയ്യപ്പന്മാരാണ് രാവിലെ മുതൽ മനയിൽ എത്തിയത്. രാവിലെ മുതൽ തന്നെ ഭക്തജനങ്ങളുടെ നീണ്ട നിര കാണപ്പെട്ടു.. തിരക്ക് നിയന്ത്രിക്കാൻ വിപുലമായ സജ്ജീകരണങ്ങള്‍ ആണ് ഒരുക്കിയിരിക്കുന്നത് . രാവിലെ മുതൽ തന്നെ ഭക്തജനങ്ങളുടെ നീണ്ട നിര ഉണ്ടായിരുന്നു.സർപ്പബലിയും കദളിപ്പഴ നിവേദ്യവുമാണ് മനയിലെ പ്രധാനപ്പെട്ട വഴിപാട്. കൂടാതെ വെള്ള നിവേദ്യം, കൂട്ടുപായസം, പാൽപ്പായസം, മഞ്ഞൾപ്പൊടി ചാർത്തൽ, വിളക്ക് വെയ്ക്കൽ, നാഗ പ്രതിഷ്ഠ, പുഷ്പാഞ്ജലി, പ്രതിമ പൂജ, അഭിഷേകം, തുലാഭാരം, ചോറൂണ് എന്നിവയാണ് മറ്റു വഴിപാടുകൾ. കാവുകളും വൻ വൃക്ഷങ്ങളും നിറഞ്ഞ മനയിലെ കിഴക്കിനിയിലാണ് നാഗസാന്നിദ്ധ്യമുള്ളത്. മനയിലെ ആചാരമനുസരിച്ച് മിഥുനം,കര്‍ക്കിടകം ,ചിങ്ങം ഒഴികെയുള്ള മലയാള മാസം ഒന്നാം തീയതികളില്‍ എല്ലാ വിഭാഗം ഭക്തർക്കും ദർശനം അനുവദിക്കുന്നുണ്ട്. കൂടാതെ കര്‍ക്കിടകം അവസാന ദിവസവും കന്നിമാസത്തിലെ ആയില്യം, മീനമാസത്തിലെ തിരുവോണം മുതൽ ഭരണി വരെയുള്ള ദിവസങ്ങൾ, മേടമാസം പത്താം തിയതി എന്നീ ദിവസങ്ങളിലാണ് എല്ലാ വിഭാഗം ജനങ്ങളെയും കിഴക്കിനിയിൽ ദർശനത്തിന് അനുവദിക്കുന്നത്.
Leave A Comment