പോലീസ് ഫുട്‌ബോൾ: പെരുമ്പാവൂർ ചാമ്പ്യൻമാർ
ആലുവ : ആലുവയിൽ നടന്ന റൂറൽ ജില്ലാ പോലീസ് ഫുട്‌ബോൾ മത്സരത്തിൽ പെരുമ്പാവൂർ സബ് ഡിവിഷൻ ജേതാക്കളായി. എതിരില്ലാത്ത നാലുഗോളുകൾക്ക് ഡി.എച്ച്.ക്യു. കളമശ്ശേരിയെയാണ് പരാജയപ്പെടുത്തിയത്.
പെരുമ്പാവൂർ സബ് ഡിവിഷനിലെ ടി.എ. അഫ്‌സൽ മികച്ച കളിക്കാരനായി. എ.പി. രാജീവാണ് മികച്ച ഗോൾകീപ്പർ.
ഫുട്‌ബോൾ താരം എം.എം. ജേക്കബ്, അഡീഷണൽ എസ്.പി. ടി. ബിജി ജോർജ് എന്നിവർ ട്രോഫികൾ വിതരണം ചെയ്തു. ഡി.വൈ.എസ്.പി. പി.കെ. ശിവൻകുട്ടി, എസ്.എച്ച്.ഒ.മാർ തുങ്ങിയവർ പങ്കെടുത്തു. റൂറൽ ജില്ലയിലെ എട്ട് ടീമുകളാണ് മത്സരത്തിൽ പങ്കെടുത്തത്.
Leave A Comment