എറണാകുളം-കൊല്ലം മെമു ഒൻപത് ദിവസം റദ്ദാക്കി
കൊച്ചി : കൊല്ലം-എറണാകുളം ജങ്ഷൻ മെമു (06778), എറണാകുളം ജങ്ഷൻ-കൊല്ലം മെമു സ്പെഷ്യൽ (06441) എന്നീ വണ്ടികൾ ഇൗ മാസം 15 മുതൽ 21 വരെയും 24, 27 തീയതികളിലും റദ്ദാക്കി.
ഇടപ്പള്ളി, മാവേലിക്കര, ചെങ്ങന്നൂർ, കരുനാഗപ്പള്ളി, തൃശ്ശൂർ സ്റ്റേഷൻ പരിധികളിൽ പാതയിലെ അറ്റകുറ്റപ്പണി നടക്കുന്നതിനാൽ ഇതുൾെപ്പടെ തീവണ്ടി ഗതാഗതത്തിൽ ചില മാറ്റങ്ങളുണ്ട്. കന്യാകുമാരി-പുണെ പ്രതിദിന എക്സ്പ്രസ് (16382) 18, 21, 24, 27 തീയതികളിൽ കായംകുളം ജങ്ഷനിൽ നിന്ന് ആലപ്പുഴ വഴി തിരിഞ്ഞാകും പോകുക. അമ്പലപ്പുഴ, ഹരിപ്പാട്, ആലപ്പുഴ, ചേർത്തല എന്നിവിടങ്ങളിലും എറണാകുളം ടൗൺ കൂടാതെ ജങ്ഷനിലും സ്റ്റോപ്പ് ഉണ്ടാകും.
15 മുതൽ 21 വരെ ഇൗ ട്രെയിൻ ഒരു മണിക്കൂർ വൈകി 9.40-നാണ് കന്യാകുമാരിയിൽനിന്ന് പുറപ്പെടുക. എഗ്മോർ-ഗുരുവായൂർ എക്സ്പ്രസ് (16127) 13 മുതൽ 18 വരെ വഴിയിൽ നിർത്തിയിടും.
Leave A Comment