കേരളത്തില്‍ സുരേഷ് ഗോപിക്ക് വന്‍ ജനപ്രീതിയെന്ന് സര്‍വേ
ബിജെപിയുടെ മുഖ്യമന്ത്രിമാരടക്കമുള്ള സംസ്ഥാന നേതാക്കളുടെ ജനപ്രീതിയില്‍ വന്‍ ഇടിവെന്ന് പാര്‍ട്ടിയുടെ ആഭ്യന്തര സര്‍വ്വെ. പ്രധാനമന്ത്രിയുടെ സ്വാധീനത്തിന് കുറവുണ്ടായിട്ടില്ലെന്ന് സര്‍വേയില്‍ പറയുന്നു. സംസ്ഥാന അധ്യക്ഷന്മാര്‍ ഉള്‍പ്പെടെ നേതാക്കളുടെ പ്രതിഛായയ്ക്കും കുറവുണ്ടായി. കേരളത്തില്‍ പാര്‍ട്ടിയുടെ ഏറ്റവും ജനപ്രീതിയുള്ള നേതാവ് സിനിമാതാരം സുരേഷ് ഗോപി ആണെന്നാണ് സ്വകാര്യ ഏജന്‍സിയുടെ സര്‍വേ റിപ്പോര്‍ട്ട്. തെലങ്കനയില്‍ മുഖ്യമന്ത്രി കെ ചന്ദ്ര ശേഖരറാവുവിനെക്കാള്‍ ജനപ്രീതി പ്രധാന മന്ത്രി നരേന്ദ്രമോദിക്കാണ് എന്നും സര്‍വേ റിപ്പോര്‍ട്ടിലുണ്ട്. ഇതോടെ വരാനിരിക്കുന്ന ആറ് നിയമ സഭാ തെരഞ്ഞെടുപ്പുകള്‍ കൂട്ടായ നേതൃത്വത്തില്‍ നേരിടാനാണ് തീരുമാനം. സംസ്ഥാന നേതാക്കളെ ഒഴിവാക്കി പ്രധാനമന്ത്രി നരേന്ദ്ര മോദിയെ തന്നെ മുന്‍നിര്‍ത്തിയാകും തെരഞ്ഞെടുപ്പിനെ നേരിടുക. ഹിമാചല്‍ പ്രദേശില്‍ ജയറാം താകൂറിനെയും രാജസ്ഥാനില്‍ വസുന്ധര രാജെ സിന്ധ്യയെയും മുഖ്യമന്ത്രി സ്ഥാനാര്‍ഥികളായി ഉയര്‍ത്തി കാണിക്കില്ല.
Leave A Comment