ഏക സിവിൽ കോഡ് ബിജെപി അജണ്ട, ലക്ഷ്യം ഹിന്ദു-മുസ്ലിം ഭിന്നത: സീതാറാം യച്ചൂരി
കോഴിക്കോട്:: രാജ്യത്തിന്‍റെ ബഹുസ്വരത നിലനിർത്തണമെന്ന് സിപിഎം ജനറൽ സെക്രട്ടറി സീതാറാം യച്ചൂരി. ഏക വ്യക്തിനിയമത്തിനെതിരെയുള്ള സിപിഎം സെമിനാറില്‍ സംസാരിക്കുകയായിരുന്നു അദ്ദേഹം.ഏക സിവിൽ കോഡിന് പിന്നിൽ ബിജെപി അജണ്ടയാണുള്ളത്. വർഗീയ ധ്രുവീകരണത്തിന് മൂർച്ചകൂട്ടാനുള്ള ആയുധമാണ് ഏക സിവിൽകോഡ്. ഹിന്ദു-മുസ്ലിം ഭിന്നത ലക്ഷ്യമിട്ടാണ് നീക്കം. തെരഞ്ഞെടുപ്പാണ് ലക്ഷ്യമെന്നും യെച്ചൂരി പറഞ്ഞു.
മാറ്റം ജനാധിപത്യപരമായ രീതിയിലാണ് ഉണ്ടാകേണ്ടത്. ഇതാണ് സിപിഎമ്മിന്‍റെ എക്കാലത്തേയും നിലപാട്. ഏകീകരണമെന്നാൽ സമത്വമല്ലെന്നും യെച്ചൂരി പറഞ്ഞു. രാജ്യത്തിന്‍റെ ബഹുസ്വരത നിലനിർത്തണം. യുസിസി ഭരണഘടനയിലെ നിർദേശക തത്വം മാത്രമാണ്.
യുസിസി ഇപ്പോൾ ആവശ്യമില്ലെന്നാണ് മുൻ നിയമകമ്മീഷൻ പറഞ്ഞത്. ഈ നിലപാട് സിപിഎം അംഗീകരിക്കുന്നു. വ്യക്തിനിയമങ്ങളിലെ മാറ്റം അടിച്ചേൽപ്പിക്കരുത്. അതാത് സമുദായങ്ങളിലെ ചർച്ചയിലൂടെയാണ് മാറ്റം ഉണ്ടാകേണ്ടതെന്നും സിപിഎം ജനറൽ സെക്രട്ടറി കൂട്ടിച്ചേർത്തു.
Leave A Comment