ഗവര്‍ണര്‍ക്കെതിരെ വീടുകളില്‍ ലഘുലേഖ വിതരണവുമായി എല്‍ഡിഎഫ്
തിരുവനന്തപുരം: ഗവര്‍ണര്‍ക്കെതിരായ പ്രചാരണ പരിപാടിയുടെ ഭാഗമായി വീടുകളില്‍ ലഘുലേഖ വിതരണം ചെയ്ത് ഇടതുമുന്നണി. ഭരണഘടനയെപ്പറ്റി അടിസ്ഥാനധാരണ പോലും ഇല്ലാത്തയാളാണ് ഗവര്‍ണര്‍ ആരിഫ് മുഹമ്മദ് ഖാനെന്ന് ലഘുലേഖയില്‍ പറയുന്നു.
ചാന്‍സലര്‍ എന്ന നിലയില്‍ ഗവര്‍ണര്‍ നടത്തിയ നീക്കങ്ങള്‍ സംഘപരിവാര്‍ അജണ്ടയാണ്. ആര്‍എസ്എസിന്‍റെ ചട്ടുകമായ ഗവര്‍ണറുടെ നടപടികളെ ചെറുത്ത് തോല്‍പ്പിക്കണമെന്നും ലഘുലേഖയിലുണ്ട്.
ഉന്നത വിദ്യാഭ്യാസ സംരക്ഷണ സമിതിയുടെ പേരിലാണ് ലഘുലേഖ പുറത്തിറക്കിയിരിക്കുന്നത്. ഗവര്‍ണര്‍ക്കെതിരെയുള്ള പ്രചാരണം ശക്തമാക്കാനാണ് പാര്‍ട്ടി തീരുമാനമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്‍ തൃശൂരില്‍ മാധ്യമങ്ങളോട് പ്രതികരിച്ചു.
ഈ മാസം 15ന് രാജ്ഭവന് മുമ്പിലേയ്ക്ക് ഒരു ലക്ഷം ആളുകള്‍ പങ്കെടുക്കുന്ന റാലി സംഘടിപ്പിക്കും. അതേ ദിവസം തന്നെ എല്ലാ ജില്ലകളിലും പതിനായിരത്തോളം ആളുകള്‍ പങ്കെടുക്കുന്ന പ്രതിഷേധകൂട്ടായ്മയും സമ്മേളനവും നടത്തുമെന്നും അദ്ദേഹം പറഞ്ഞു.
Leave A Comment