'അപ്പോള്‍ എങ്ങനാ… ഉറപ്പിക്കാവോ?'; മോഹന്‍ലാല്‍ തന്നെ പ്രഖ്യാപിച്ചു, ആടുതോമ വരുന്നു
കൊച്ചി : പുതിയ കാലത്തിന്റെ എല്ലാ സാങ്കേതിക മികവോടും കൂടെ സ്ഫടികം തീയേറ്ററുകളില്‍ എത്തുമെന്ന് മോഹന്‍ലാലാണ് ഫേസ്ബുക്ക് പോസ്റ്റിലൂടെ അറിയിച്ചത്. ലോകമെമ്പാടുമുള്ള തീയേറ്ററുകളില്‍ 2023 ഫെബ്രുവരി 9നാണ് ചിത്രം എത്തുന്നത്. 28 വര്‍ഷങ്ങള്‍ക്ക് മുൻപ് ഇതുപോലൊരു വ്യാഴാഴ്ചയാണ് ആടുതോമയെ നിങ്ങള്‍ ഹൃദയം കൊണ്ട് ഏറ്റുവാങ്ങിയതെന്നും അദ്ദേഹം കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം:
എക്കാലവും നിങ്ങള്‍ ഹൃദയത്തോട് ചേര്‍ത്തുവച്ച എന്‍്റെ ആടുതോമ നിങ്ങള്‍ ആഗ്രഹിച്ചത് പോലെ പുതിയ കാലത്തിന്‍്റെ എല്ലാ സാങ്കേതിക മികവോടെയും വീണ്ടും റിലീസാവുന്നു.
ലോകം എമ്പാടുമുള്ള തിയേറ്റുകളില്‍ 2023 ഫെബ്രുവരി മാസം 9 – ന് സ്ഫടികം 4k Atmos എത്തുന്നു.
ഓര്‍ക്കുക. 28 വര്‍ഷങ്ങള്‍ക്കു മുൻപ് ഇതുപോലൊരു വ്യാഴാഴ്ചയാണ് ആടുതോമയെ നിങ്ങള്‍ അന്നും ഹൃദയം കൊണ്ട് ഏറ്റുവാങ്ങിയത്…
‘അപ്പോള്‍ എങ്ങനാ… ഉറപ്പിക്കാവോ?.’
Leave A Comment