ഹാൻസ് പായ്ക്കറ്റുകളുമായി പിക്കപ്പ് വാൻ ഡ്രൈവർ പിടിയിൽ
അന്തിക്കാട് : പിക് അപ് വാൻ ഡ്രൈവറിൽ നിന്ന് ആയിരത്തി മുന്നോറോളം ഹാൻസ് പായ്ക്കറ്റുകൾ പിടിച്ചു. കുന്നത്തങ്ങാടി മണലൂർ മേഖലയിലെ പ്രധാന ഹാൻസ് വിൽപ്പനക്കാരൻ മണലൂർ സ്വദേശി കരിയാത്തു വളപ്പിൽ രതീഷിനെ (40 വയസ്സ്) ഇരിങ്ങാലക്കുട ഡി.വൈ.എസ്.പി. ബാബു.കെ.തോമസ്, അന്തിക്കാട് ഇൻസ്പെക്ടർ പി.കെ. ദാസ് എന്നിവരുടെ സംഘം അറസ്റ്റു ചെയ്തത്.
പച്ചക്കറി വണ്ടിയോടിക്കുന്ന ഇയാൾ പൊള്ളാച്ചിൽ പോയി വരുമ്പോൾ പച്ചക്കറിക്കൊപ്പം ഓരോ ചാക്ക് ഹാൻസുമായി മടങ്ങാറാണ് പതിവ്. കുറച്ചു ദിവസങ്ങളായി ഇയാൾ പോലീസിന്റെ നിരീക്ഷണത്തിലായിരുന്നു.
വെള്ളിയാഴ്ച ഉച്ചക്കാണ് സ്കൂട്ടർ സഹിതം ഇയാൾ പിടിയിലായത്.
ഏകദേശം എഴുപതിനായിരം രൂപയോളം വിലയ്ക്കുള്ള ഹാൻസ് ശേഖരമാണ് പിടിച്ചെടുത്തത്. വലിയ സഞ്ചികളിലാക്കി മൊത്ത വിൽപ്പനയ്ക്കായി തയ്യാറെടുക്കുന്നതിനിടെയാണ് പോലീസിന്റെ കയ്യിൽ പെട്ടത്. ഇതിനു മുൻപും രതീഷിൽ നിന്ന് ഹാൻസ് പിടികൂടിയിട്ടുണ്ട്.
റൂറൽ എസ്.പി. ഐശ്വര്യ ഡോങ്ങ്ഗ്രേയുയുടെ നേതൃത്വത്തിൽ ലഹരിവിൽപ്പനക്കെതിരെ ശക്തമായ പരിശോധനകളാണ് നടന്നു വരുന്നത്. അന്തിക്കാട് എസ്.ഐ. എം.സി.ഹരീഷ്, ജൂനിയർ എസ്.ഐ. പി.കെ.പ്രദീപ്, സീനിയർ സി.പി.ഒ.മാരായ ഇ.എസ്. ജീവൻ, പി.വി. വികാസ്, സോണി സേവ്യർ, സി.പി.ഒ കെ.എസ്. ഉമേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.
Leave A Comment