വീണ്ടും കല്ലേറ്; ഇത്തവണ നേത്രാവതി എക്‌സ്പ്രസിന് നേരേ
കാസര്‍കോഡ്: കേരളത്തില്‍ ട്രെയിനുകള്‍ക്ക് നേരേയുള്ള കല്ലേറ് തുടരുന്നു. നേത്രാവതി എക്‌സ്പ്രസിന് നേരെയാണ് ഏറ്റവുമൊടുവില്‍ കല്ലേറുണ്ടായത്. വെള്ളിയാഴ്ച രാത്രി 8.45ന് കുമ്പളയ്ക്കും ഉപ്പളയ്ക്കും ഇടയിലാണ് സംഭവം.
കല്ലേറില്‍ എസ്-2 കോച്ചിന്‍റെ ഒരു ചില്ല് തകര്‍ന്നു. എന്നാല്‍ യാത്രക്കാര്‍ക്ക് പരിക്കില്ല. മംഗളൂരുവില്‍ നിന്നും ആര്‍പിഎഫ് ഉദ്യോഗസ്ഥര് സ്ഥലത്തെത്തി. കുമ്പള പോലീസും അന്വേഷണം ആരംഭിച്ചു.
നേരത്തെ, കണ്ണൂര്‍, കാസര്‍കോഡ് ജില്ലകളില്‍ തുടര്‍ച്ചയായി ട്രെയിനിന് നേരെ കല്ലേറുണ്ടാകുന്ന സാഹചര്യത്തില്‍ കടുത്ത നടപടിയുമായി പോലീസ് രംഗത്തിയിരുന്നു. റെയില്‍വേ ട്രാക്ക് കേന്ദ്രീകരിച്ച് രഹസ്യനിരീക്ഷണം നടത്താന്‍ പ്രത്യേക സ്‌ക്വാഡിനെ നിയോഗിച്ചിരുന്നു.
ഇതിനിടെയാണ് വീണ്ടും ട്രെയിനിന് നേരെ കല്ലേറുണ്ടാകുന്നത്. ഇതിനുമുന്‍പ് കാഞ്ഞങ്ങാട് വച്ച് രാജധാനി എക്‌സ്പ്രസിന് നേരെയുണ്ടായ കല്ലേറില്‍ ചില്ല് പൊട്ടിയിരുന്നു.
Leave A Comment