വാ​ഷിം​ഗ്ട​ൺ ഡി​സി: 2020ലെ ​പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ലു​ണ്ടാ​യ പ​രാ​ജ​യം മ​റി​ക​ട​ക്കാ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സി​ൽ മു​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് വാ​ഷിം​ഗ്ട​ൺ ഡി​സി​യി​ലെ ഫെ​ഡ​റ​ൽ കോ​ട​തി​ക്ക് മു​മ്പാ​കെ ഹാ​ജ​രാ​യി. അ​റ​സ്റ്റ് ചെ​യ്ത ട്രം​പി​നെ കു​റ്റ​പ​ത്രം വാ​യി​ച്ച് കേ​ൾ​പ്പി​ച്ചു. ഗൂ​ഢാ​ലോ​ച​ന അ​ട​ക്ക​മു​ള്ള കു​റ്റ​ങ്ങ​ൾ ട്രം​പ് നി​ഷേ​ധി​ച്ചു. കേ​സ് ഓ​ഗ​സ്റ്റ് 28ന് ​വീ​ണ്ടും പ​രി​ഗ​ണി​ക്കും.

നാ​ല് മാ​സ​ത്തി​നി​ടെ ട്രം​പ് കു​റ്റ​ക്കാ​ര​നെ​ന്ന് ക​ണ്ടെ​ത്തി​യ മൂ​ന്നാ​മ​ത്തെ കേ​സാ​ണി​ത്. കാ​പ്പി​റ്റോ​ൾ ക​ലാ​പ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​ത്തി​നൊ​ടു​വി​ൽ നാ​ലു കു​റ്റ​ങ്ങ​ളാ​ണ് ട്രം​പി​നെ​തി​രേ നീ​തി​ന്യാ​യ​വ​കു​പ്പി​ന്‍റെ സ്പെ​ഷ്യ​ൽ കൗ​ൺ​സ​ൽ ജാ​ക്ക് സ്മി​ത്തി​ന്‍റെ നേ​തൃ​ത്വ​ത്തി​ലു​ള്ള ജൂ​റി ചു​മ​ത്തി​യി​ട്ടു​ള്ള​ത്. അ​ടു​ത്ത​വ​ർ​ഷ​ത്തെ പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​നൊ​രു​ങ്ങു​ന്ന ട്രം​പ് നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളിയാണ് ഈ ​കേ​സ്.

നീ​ല​ച്ചി​ത്ര​ന​ടി​ക്കു പ​ണം കൊ​ടു​ത്ത​തു​മാ​യി ബ​ന്ധ​പ്പെ​ട്ട് ബി​സി​ന​സ് രേ​ഖ​ക​ളി​ൽ കൃ​ത്രി​മ​ത്വം കാ​ണി​ച്ച​തി​നും പ്ര​സി​ഡ​ന്‍റ് പ​ദ​വി ഒ​ഴി​ഞ്ഞ​ശേ​ഷ​വും ര​ഹ​സ്യ​രേ​ഖ​ക​ൾ വീ​ട്ടി​ൽ കൊ​ണ്ടു​പോ​യി സൂ​ക്ഷി​ച്ച​തി​നും അ​ദ്ദേ​ഹ​ത്തി​നെ​തി​രേ വേ​റെ കേ​സു​ക​ളു​ണ്ട്. പ​ക്ഷേ, ഏ​തു കേ​സി​ൽ ശി​ക്ഷി​ക്ക​പ്പെ​ട്ടാ​ലും തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന​തി​നു വി​ല​ക്കു​ണ്ടാ​വി​ല്ല.