തൃശൂർ: സം​സ്ഥാ​ന​ത്തെ 20,000ത്തോ​ളം പാചക തൊ​ഴി​ലാ​ളി​ക​ൾ​ക്കു മൂ​ന്നു മാ​സ​മാ​യി സ​ർ​ക്കാ​ർ ശ​മ്പളം ന​ല്കു​ന്നി​ല്ല. തൃശൂർ ജി​ല്ല​യി​ൽ 1,300 പാ​ച​ക തൊ​ഴി​ലാ​ളി​ക​ളാ​ണു​ള്ള​ത്. ഇ​വ​ർ​ക്കു ഡി​സം​ബ​റി​ൽ ല​ഭി​ച്ച 5,000 രൂ​പ അ​ഡ്വാ​ൻ​സി​ന്‍റെ ഫ​ല​ത്തി​ലാ​ണ് ഇ​ത്ര​യും നാ​ൾ പി​ടി​ച്ചു​നി​ന്ന​ത്. ക​ഴി​ഞ്ഞ ര​ണ്ടു​വ​ർ​ഷ​മാ​യി ബ​ജ​റ്റി​ലും തൊ​ഴി​ലാ​ളി​ക​ളെ അ​വ​ഗ​ണി​ക്കു​ക​യാ​ണ്. ബ​ജ​റ്റി​ൽ തു​ക അ​നു​വ​ദി​ച്ചു ന​ല്കു​ന്ന നേ​രീ​യ ശ​മ്പള വ​ർ​ധ​ന​വും ഇ​തോ​ടെ മു​ട​ങ്ങി.

സ​ർ​ക്കാ​രി​ന്‍റെ ഔദ്യോഗിക ക​ണ​ക്കി​ൽ സം​സ്ഥാ​ന​ത്ത് 13,700 തൊ​ഴി​ലാ​ളി​ക​ളാ​ണു​ള്ള​ത്. എ​ന്നാ​ൽ പ​ല സ്കൂ​ളു​ക​ളി​ലും തൊ​ഴി​ലാ​ളി​ക​ൾ കൂ​ലി​യു​ടെ പാ​തി ന​ല്കി സ​ഹാ​യ​ത്തി​ന് ആ​ളെ നി​ർ​ത്തി​യി​രി​ക്കു​ക​യാ​ണ്.

2016ൽ ​പ്ര​ഖ്യാ​പി​ച്ച മി​നി​മം കൂ​ലി​യാ​യ 600 രൂ​പ ഇ​തു​വ​രെ ന​ട​പ്പാ​ക്കി​യി​ട്ടി​ല്ല. ഇ​എ​സ്ഐ​യും പി​എ​ഫും വി​ര​മി​ക്ക​ൽ ആ​നു​കൂ​ല്യ​വും ന​ട​പ്പി​ലാ​ക്കു​മെ​ന്ന വാ​ഗ്ദാ​ന​വും ക​ട​ലാ​സി​ലാ​ണ്. സ്കീം ​തൊ​ഴി​ലാ​ളി​ക​ളി​ൽ ഒ​രു​വി​ഭാ​ഗ​മാ​യ അ​ങ്ക​ണ​വാ​ടി ജീ​വ​ന​ക്കാ​ർ​ക്ക് ഇ​ൻ​ഷ്വ​റ​ൻ​സ് പ​ദ്ധ​തി ഏ​ർ​പ്പെ​ടു​ത്തി​യ​പ്പോ​ൾ ആ​ശ വ​ർ​ക്ക​ർ​മാ​ർ​ക്കൊ​പ്പം ത​ങ്ങ​ളെ​യും മാ​റ്റി​നി​ർ​ത്തി വി​ഭ​ജ​ന​വും കാ​ണി​ച്ച​താ​യി സം​സ്ഥാ​ന ജ​ന​റ​ൽ സെ​ക്ര​ട്ട​റി പി.​ജി. മോ​ഹ​ന​ൻ പ​റ​ഞ്ഞു.

അ​ധ്യ​യ​ന വ​ർ​ഷാ​രം​ഭം മു​ത​ലെ പാ​ച​ക​ത്തൊ​ഴി​ലാ​ളി​ക​ൾ​ക്കു ശ​മ്പളം ന​ല്കാ​തെ സ​ർ​ക്കാ​ർ അ​വ​ഗ​ണി​ക്കു​ക​യാ​യി​രു​ന്നു. പ്ര​വേ​ശ​നോ​ത്സ​വം ഗം​ഭീ​ര​മാ​ക്കി​യ​വ​ർ ജൂ​ണി​ലെ ശ​മ്പളം ന​ല്കി​യ​ത് ഓഗ​സ്റ്റി​ലാ​ണ്. അ​തി​ന്മു​മ്പ് അ​വ​ധി​ക്കാ​ല വേ​ത​നം തൊ​ട്ടു​മു​മ്പത്തെ വ​ർ​ഷ​ത്തി​നു സ​മാ​ന​മാ​യും ന​ൽ​കി​യി​ല്ല.

ഈ ​സാ​ഹ​ച​ര്യ​ത്തി​ൽ നാളെ തി​രു​വ​ന​ന്ത​പു​ര​ത്ത് വി​ദ്യാ​ഭ്യാ​സ ഡ​യ​റ​ക്ട​റു​ടെ ഓ​ഫീ​സി​നു മു​ന്നി​ലും മ​റ്റു ജി​ല്ല​ക​ളി​ൽ ഡി​ഡി ഓ​ഫീ​സു​ക​ൾ​ക്കു മു​മ്പി​ലും പാചകതൊ​ഴി​ലാ​ളി​ക​ൾ പ​ട്ടി​ണി സ​മ​രം ന​ട​ത്തും.